Retirement : IPLની ફાઈનલ પહેલા જ CSKના દિગ્ગજે ચાહકોને આપ્યો આંચકો, લીધો સંન્યાસ
આ સિઝન બાદ આ ખેલાડી IPLમાં રમતા જોવા નહીં મળે. આ ખેલાડીએ પોતાની બેટિંગના દમ પર ચેન્નાઈ સુપર કિંગ્સને IPLની ચેમ્પિયન પણ બનાવી છે.
Ambati Rayudu Retirement : એક તરફ IPL 2023ની ફાઈનલ શરૂ થવાને ગણતરીના જ કલાકો બાકી છે ત્યારે ચેન્નાઈ સુપર કિંગ્સના ચાહકો માટે એક મોટા સમાચાર સામે આવ્યા છે. ચેન્નાઈ સુપર કિંગ્સના એક અનુભવી ખેલાડીએ IPLમાંથી નિવૃત્તિની જાહેરાત કરી છે. આ સિઝન બાદ આ ખેલાડી IPLમાં રમતા જોવા નહીં મળે. આ ખેલાડીએ પોતાની બેટિંગના દમ પર ચેન્નાઈ સુપર કિંગ્સને IPLની ચેમ્પિયન પણ બનાવી છે. જોકે રાયડુ ટીમ ઈન્ડિયા વતી રમવાનું યથાવત રાખશે. રાયડુએ આંતરરાષ્ટ્રીય કારકિર્દી યથાવત રાખી છે.
આ ખેલાડીએ જાહેર કરી નિવૃત્તિ
ચેન્નાઈ સુપર કિંગ્સના બેટ્સમેન અંબાતી રાયડુએ IPLમાંથી નિવૃત્તિની જાહેરાત કરી છે. અંબાતી રાયડુએ સોશિયલ મીડિયા પર નિવૃત્તિની જાહેરાત કરી હતી. અંબાતી રાયડુએ ટ્વિટ કરીને લખ્યું, 'CSK અને ગુજરાત 2 શ્રેષ્ઠ ટીમો, 204 મેચ, 14 સિઝન, 11 પ્લેઓફ, 8 ફાઈનલ, 5 ટ્રોફી. આશા છે કે છઠ્ઠી આજે રાત્રે. તે ઘણો લાંબો પ્રવાસ છે. મેં નક્કી કર્યું છે કે આજની રાતની ફાઈનલ આઈપીએલમાં મારી છેલ્લી મેચ હશે. મને આ શાનદાર ટુર્નામેન્ટ રમવાની ખરેખર મજા આવી. આપ સૌનો આભાર. યુ-ટર્ન નહીં.'
2 great teams mi nd csk,204 matches,14 seasons,11 playoffs,8 finals,5 trophies.hopefully 6th tonight. It’s been quite a journey.I have decided that tonight’s final is going to be my last game in the Ipl.i truly hav enjoyed playing this great tournament.Thank u all. No u turn 😂🙏
— ATR (@RayuduAmbati) May 28, 2023
અંબાતી રાયડુની આઈપીએલ કારકિર્દી
અંબાતી રાયડુએ વર્ષ 2010માં તેની આઈપીએલ કારકિર્દીની શરૂઆત કરી હતી. અંબાતી રાયડુ ચેન્નાઈ સુપર કિંગ્સ સિવાય IPLમાં મુંબઈ ઈન્ડિયન્સનો ભાગ રહી ચૂક્યો છે. રાયડુ (અંબાતી રાયડુ) 2018 થી CSK માટે રમી રહ્યો છે. અંબાતી રાયડુએ આઈપીએલમાં અત્યાર સુધી 203 મેચમાં 28.29ની એવરેજથી 4329 રન બનાવ્યા છે. રાયડુએ IPLમાં 22 અડધી સદી અને 1 સદી ફટકારી છે.
ગયા વર્ષે પણ નિવૃત્તિની જાહેરાત કરી હતી
અંબાતી રાયડુએ ગયા વર્ષે પણ આઈપીએલની વચ્ચે જ નિવૃત્તિની જાહેરાત કરી હતી, પરંતુ થોડા સમય પછી તેણે પોતાનું ટ્વિટ ડિલીટ કરી દીધું હતું. જો કે અંબાતી રાયડુએ આ વખતે સ્પષ્ટ કર્યું છે કે તે પોતાનો નિર્ણય પાછો લેશે નહીં.
ટોપ સ્ટોરી
ટ્રેન્ડિંગ સમાચાર
