વિરાટ કોહલી-સોલ્ટનું તોફાન, RCB એ રાજસ્થાનને 9 વિકેટથી હરાવ્યું
રોયલ ચેલેન્જર્સ બેંગ્લોરે રાજસ્થાન રોયલ્સને 9 વિકેટે હરાવ્યું છે. રાજસ્થાનની ટીમને તેના હોમ ગ્રાઉન્ડ એટલે કે સવાઈ માન સિંહ સ્ટેડિયમમાં કારમી હારનો સામનો કરવો પડ્યો છે.
RR vs RCB Highlights: રોયલ ચેલેન્જર્સ બેંગ્લોરે રાજસ્થાન રોયલ્સને 9 વિકેટે હરાવ્યું છે. રાજસ્થાનની ટીમને તેના હોમ ગ્રાઉન્ડ એટલે કે સવાઈ માન સિંહ સ્ટેડિયમમાં કારમી હારનો સામનો કરવો પડ્યો છે. આ મુકાબલામાં રાજસ્થાને પ્રથમ બેટિંગ કરીને 173 રન બનાવ્યા હતા જેના જવાબમાં બેંગ્લોરની ટીમે 18મી ઓવરમાં જ લક્ષ્ય હાંસલ કરી લીધો હતો. વિરાટ કોહલી અને ફિલ સોલ્ટે RCBની જીતમાં મોટો ફાળો આપ્યો, બંનેએ અડધી સદીની મજબૂત ઇનિંગ્સ રમી હતી.
આરસીબી માટે આસાન જીત
174 રનના લક્ષ્યનો પીછો કરતા વિરાટ કોહલી અને ફિલ સોલ્ટે RCBને શાનદાર શરૂઆત અપાવી હતી. બંને વચ્ચે 92 રનની શાનદાર ઓપનિંગ ભાગીદારી થઈ હતી. સોલ્ટે માત્ર 33 બોલમાં 65 રનની તોફાની ઇનિંગ રમી હતી, આ દરમિયાન તેણે 5 ફોર અને 6 સિક્સર ફટકારી હતી. બીજી તરફ વિરાટ કોહલીએ 45 બોલમાં 62 રનની અણનમ ઇનિંગ રમી હતી. તેણે પોતાની ઇનિંગમાં 4 ફોર અને 2 સિક્સર ફટકારી હતી.
ફિલ સોલ્ટના આઉટ થયા બાદ વિરાટ કોહલીએ દેવદત્ત પડિકલ સાથે મળીને 83 રનની ભાગીદારી કરીને બેંગ્લોરની જીત સુનિશ્ચિત કરી હતી. એક તરફ વિરાટે 62 રનનું યોગદાન આપ્યું, જ્યારે પડિકલે 28 બોલમાં 40 રનનું યોગદાન આપ્યું હતું. રાજસ્થાન દ્વારા 7 બોલરોનો ઉપયોગ કરવામાં આવ્યો હતો, જેમાંથી માત્ર કુમાર કાર્તિકેય એક વિકેટ લેવામાં સફળ રહ્યો હતો.
𝘈𝘸𝘢𝘺 𝘫𝘶𝘨𝘨𝘦𝘳𝘯𝘢𝘶𝘵 𝘳𝘰𝘭𝘭𝘴 𝘰𝘯 💯
— IndianPremierLeague (@IPL) April 13, 2025
A blistering start from Phil Salt and an ice-cold finish from Virat Kohli power #RCB to win No. 4 👊
Scorecard ▶ https://t.co/rqkY49M8lt#TATAIPL | #RRvRCB | @RCBTweets pic.twitter.com/aO3wLyAnke
વિરાટે યશસ્વી જયસ્વાલ પર ભારે પડ્યો
આ મેચમાં રાજસ્થાન રોયલ્સે પ્રથમ બેટિંગ કરી, જેના માટે ઓપનર યશસ્વી જયસ્વાલ ટોપ સ્કોરર સાબિત થયો. જયસ્વાલે 47 બોલમાં 75 રનની ઇનિંગ રમી હતી. જ્યારે ધ્રુવ જુરેલે 35 રન અને રિયાન પરાગે 30 રનનું યોગદાન આપ્યું હતું. પરંતુ તેની ઇનિંગ્સ પર વિરાટ કોહલી અને ફિલ સોલ્ટ ભારે પડ્યા હતા. રોયલ ચેલેન્જર્સ બેંગ્લોરે અત્યાર સુધી IPL 2025માં રમાયેલી 6 માંથી ચાર મેચ જીતી છે. રજત પાટીદારની સેના હવે પોઈન્ટ ટેબલમાં ત્રીજા સ્થાને આવી ગઈ છે. આ મેચ બાદ પોઈન્ટ ટેબલમાં પણ ફેરફાર જોવા મળ્યો છે.
ટોપ સ્ટોરી
ટ્રેન્ડિંગ સમાચાર
