Virat Kohli: રન મશીન કોહલી અટકવાનું નથી લઈ રહ્યો નામ, IPLમાં રચી દીધો ઈતિહાસ, આસપાસ પણ નથી કોઈ

Virat Kohli: IPLની વર્તમાન સિઝનમાં કોહલી પાસે ઓરેન્જ કેપ છે અને હવે તે આ લીગના ઈતિહાસમાં 7,500 રન બનાવનાર પ્રથમ ખેલાડી બની ગયો છે

કોહલીએ આઈપીએલ 2024ની પ્રથમ સદી ફટકારી ( Image Source :Social Media X )

IPL 2024, Virat Kohli Record: IPL 2024માં વિરાટ કોહલી પ્રથમ મેચથી જ શાનદાર ફોર્મમાં જોવા મળી રહ્યો છે. જો કે તેની ધીમી સ્ટ્રાઈક રેટને કારણે તેની ટીકા થઈ રહી છે, પરંતુ હવે ઈન્ડિયન પ્રીમિયર લીગમાં તેના નામે વધુ એક ઐતિહાસિક રેકોર્ડ જોડાઈ ગયો છે. IPLની વર્તમાન સિઝનમાં કોહલી પાસે ઓરેન્જ કેપ છે અને હવે તે આ લીગના ઈતિહાસમાં 7,500 રન બનાવનાર પ્રથમ ખેલાડી બની ગયો છે. રાજસ્થાન રોયલ્સ સામેની મેચ પહેલા તે આ આંકડાને સ્પર્શવાથી માત્ર 34 રન દૂર હતો. તેણે આઈપીએલમાં તેની 242મી મેચમાં આ રેકોર્ડ બનાવ્યો છે.

એ પણ આશ્ચર્યજનક હકીકત છે કે વિરાટ કોહલીએ આ તમામ રન RCB માટે બનાવ્યા છે કારણ કે તે 2008માં ઈન્ડિયન પ્રીમિયર લીગની પ્રથમ સિઝનથી આ ફ્રેન્ચાઈઝી માટે રમી રહ્યો છે. જયપુરના સવાઈ માન સિંહ સ્ટેડિયમમાં રમાઈ રહેલી RR vs RCB મેચમાં તેણે તેની IPL કારકિર્દીની  8મી સદી ફટકારી છે અને કોહલી આ લીગના ઈતિહાસમાં સૌથી વધુ અડધી સદી ફટકારનાર ભારતીય બેટ્સમેન પણ છે. કોહલીએ 39 બોલમાં પોતાની અડધી સદી પૂરી કરી હતી.

3 IPL hundreds in the last 7 innings 🤌

The one and the only 🐐- V I R A T

📸 JioCinema pic.twitter.com/joAaDUnv0U

— Royal Challengers Bengaluru (@RCBTweets) April 6, 2024

કોહલી બાદ કોણ છે બીજા ક્રમે

IPLમાં સૌથી વધુ રન બનાવવાના મામલે કોહલી બાદ શિખર ધવન બીજા નંબર પર છે, જેણે પોતાની કારકિર્દીમાં 221 મેચ રમીને 6,755 રન બનાવ્યા છે. મતલબ કે IPLમાં વિરાટ કોહલી એકમાત્ર એવો ખેલાડી છે જેણે 7 હજારથી વધુ રન બનાવ્યા છે. ત્રીજા સ્થાન પર ડેવિડ વોર્નર છે જેણે અત્યાર સુધી 180 મેચમાં 6,545 રન બનાવ્યા છે.

કોહલીએ પ્રથમ સિઝનમાં 165 રન અને બીજી સિઝનમાં 246 રન બનાવ્યા હતા. પરંતુ 2009 પછી કોહલીએ IPLની દરેક સિઝનમાં 300થી વધુ રન બનાવ્યા છે અને IPL 2024માં તેનું ફોર્મ અત્યાર સુધી શાનદાર રહ્યું છે, તેથી આ વખતે પણ તે ચોક્કસપણે આ આંકડાને સ્પર્શવા જઈ રહ્યો છે. વિરાટ કોહલી એવો ખેલાડી પણ છે જેણે IPLની કોઈપણ એક સિઝનમાં 900થી વધુ રન બનાવ્યા હોય. તેણે 2016માં 973 રન બનાવીને ઘણા મોટા રેકોર્ડ બનાવ્યા હતા.

IPLમાં સૌથી વધુ સદી

• 8 - વિરાટ કોહલી
• 6 - ક્રિસ ગેલ
• 5 - જોસ બટલર
• 4 - કેએલ રાહુલ
• 4 - ડેવિડ વોર્નર
• 4 - શેન વોટસન

IPLની સૌથી ધીમી સદી

• 67 - મનીષ પાંડે (RCB) વિ ડેક્કન ચાર્જર્સ, સેન્ચુરિયન, 2009
• 67 - વિરાટ કોહલી (RCB) વિ આરઆર, જયપુર, 2024
• 66 - સચિન તેંડુલકર (MI) વિ KTK, મુંબઈ WS, 2011
• 66 - ડેવિડ વોર્નર (ડીસી) વિ કેકેઆર, દિલ્હી, 2010
• 66 - જોસ બટલર (RR) vs MI, મુંબઈ DYP, 2022

𝐑𝐨𝐚𝐫𝐢𝐧𝐠 𝐢𝐧 𝐉𝐚𝐢𝐩𝐮𝐫 𝐰𝐢𝐭𝐡 𝐚 𝐟𝐢𝐧𝐞 𝐂𝐄𝐍𝐓𝐔𝐑𝐘 👑@imVkohli brings up his 8th #TATAIPL 💯

He becomes the first centurion of IPL 2024 season.

Live - https://t.co/lAXHxeYCjV #TATAIPL #IPL2024 #RRvRCB pic.twitter.com/O01pgQVfK6

— IndianPremierLeague (@IPL) April 6, 2024