શમી જ નહીં આ ક્રિકેટરોના પણ લગ્નેતર સંબંધો રહ્યા છે ચર્ચામાં, જાણો વિગત

સાઉથ આફ્રિકાના ફાસ્ટ બોલર આંદ્રે નેલનું જેલેના કુલ્ટિયાસોવા સાથેનું અફેર ઘણું ચગ્યું હતું. લંડનમાં કાઉન્ટી ક્રિકેટ રમવા ગયેલા આંદ્રે નેલની આંખ સેલિબ્રિટી નાઇટક્લબ મોવિડામાં કામ કરતી જેલેના સાથે મળી ગઇ હતી. આંદ્રેએ આ છોકરીને પોતે કુંવારો હોવાનું જણાવી રોમાન્સ કરવા લાગ્યો. જ્યારે તેની ગર્લફ્રેન્ડને ઈન્ટરનેટ દ્વારા નેલની સચ્ચાઈ જાણવા મળી ત્યારે તેના પગ તળેથી ધરતી સરકી ગઈ હતી. જે બાદ તેણે નેલ સાથે છેડો ફાડી નાંખ્યો હતો. આ ઘટનાના એક મહિના બાદ ઓક્ટોબર 2010માં આંદ્રે નેલે સુસાઇડની પણ કોશિશ કરી હતી.

ક્રિકેટમાં સ્પિન બોલિંગ દ્વારા ભલભલા બેટ્સમેનોને આઉટ કરી દેનારો શેન વોર્નનું લગ્ન જીવન 10 વર્ષના ગાળા બાદ ભાંગી પડ્યું હતી. પતિના લફરાંથી કંટાળી જઈને શેન વોર્નની પત્ની સિમોને છૂટાછેડા લઈ લીધા હતા. જે બાદ તેણે બ્રિટિશ એક્ટ્રેસ લિઝ હર્લી સાથે સગાઇ કરી હતી પરંતુ થોડાં જ દિવસોમાં બંને અલગ થઈ ગયા હતા.

નવી દિલ્હીઃ ભારતીય ક્રિકેટ ટીમના ફાસ્ટ બોલર મોહમ્મદ શમી સામે તેની પત્નીએ નોંધાવેલી ફરિયાદના આધારે આઈપીસીની વિવિધ કલમો હેઠળ આજે કેસ દાખલ કરવામાં આવ્યો છે. લગ્નેતર સંબંધ મુદ્દે કોઈ ક્રિકેટરની જિંદગીમાં વાવાઝોડું આવ્યું હોય તેવી આ પ્રથમ ઘટના નથી. આ પહેલા પણ ઘણા જાણીતા ક્રિકેટરની જિંદગીમાં આવી ઘટના બની ચૂકી છે.

પાકિસ્તાની ઓલાઉન્ડર શાહિદ આફ્રિદીની ફિમેલ ફેનની સંખ્યા ઘણી મોટી છે. બુમ બુમના નામે જાણીતો આફ્રિદી ટીમના સાથીઓ હસન રઝા અને અતિક-ઉઝ-ઝમન સાથે કરાચીની એક હોટલના રૂમમાં મહિલાઓના ગ્રુપ સાથે મોજ કરતાં જોવા મળ્યા હતા. આ બાબતનો ઘણો વિવાદ થયા બાદ ત્રણેયને ચેમ્પિયન્સ ટ્રોફીની ટીમમાંથી હાંકી કાઢવામાં આવ્યા હતા. તેમણે બચાવમાં એવી દલીલ કરી હતી કે આ મહિલાઓ તેમની ફેન હતી અને તેઓ રૂમમાં ધસી આવી હતી.

ઇંગ્લેન્ડ વતી 1977માં ક્રિકેટમાં ડેબ્યૂ કરનારા માઇક ગેટિંગે તેના ત્રણ વર્ષ લગ્ન કર્યા હતા. લગ્ન પછીના થોડા વર્ષો સુધી ગેટિંગ કપલ પરફેક્ટ ગણાતું હતું. બ્રિટિશ મીડિયા દ્વારા તેના લુસી શિપમેન સાથે અફેર હોવાના અહેવાલ પબ્લિશ થયા હતા. જોકે તેણે આ વાતને રદિયો આપ્યો હતો.

સર ઇયાન બોથમ ક્રિકેટમાં કોમ્પિટિટિવ એપ્રોચના કારણે જાણીતા હતા. 1976માં તેમણે કેથરિન વાલેર સાથે મેરેજ કર્યા હતા. જેનાથી તેમને એક પુત્ર અને બે પુત્રી થઈ હતી. બ્રિટિશ ટેબલોઇડે તેમના ઓસ્ટ્રેલિયન વેટ્રેસ સાથે અફેરનો અહેવાલ પબ્લિશ કર્યો હતો. જે બાદ તેમણે પત્નીની જાહેરમાં માફી માંગી હતી. વર્ષો બાદ બોથમે ઇન્ટરવ્યૂમાં સ્વીકાર્યું હતું કે, તે બેડ હસબન્ડ હતો અને ઓસ્ટ્રેલિયન વેટ્રેસ સાથેના અફેરના કારણે તેનું લગ્નજીવન ભંગાણ પર હતું.

ક્રિકેટના જાણીતા પાકિસ્તાની એમ્પાયર અસદ રાઉફ 2012માં મોડલ લીના કપૂર સાથે પકડાયો હતો. લીનાએ આરોપ લગાવ્યો હતો કે જ્યારે હું તેને મળી ત્યારે તે ક્રિકેટ એમ્પાયર હોવાનું જાણતી નહોતી. તેણે મને લગ્નનું વચન પણ આપ્યું હતું. આ બંનેના રોમેંટિક સંબંધના અનેક ફોટા પણ વાઇરલ થયા હતા. મેચ ફિક્સિંગમાં સંડોવણી સામે આવ્યા બાદ રાઉફને આઈસીસીની એલાઇટ એમ્પાયર્સ ક્લબમાંથી પડતા મૂકવામાં આવ્યા હતા. જે બાદ તેણે એમ્પાયર તરીકે નિવૃત્તિ લેવાનું મન બનાવી લીધું હતું.