મહિલા T20 વર્લ્ડકપ ફાઇનલઃ ઓસ્ટ્રેલિયા પાંચમી વખત બન્યું ચેમ્પિયન, ટીમ ઇન્ડિયાને 85 રનથી હરાવ્યું

Background

 ઓસ્ટ્રેલિયાની ટીમ 4 વખત ચેમ્પિયન બની છે અને સતત છઠ્ઠી વખત ફાઇનલમાં પ્રવેશી હતી

16:01 PM (IST)  •  08 Mar 2020

ટીમ ઇન્ડિયા પ્રથમવાર ફાઇનલમાં પહોંચી હતી. ભારત તરફથી દીપ્તિ શર્માએ સૌથી વધુ 33 રન ફટકાર્યા હતા. તે સિવાય વેદા કૃષ્ણામૂર્તિ 19 અને ઋચા ઘોષે 18 રન ફટકાર્યા હતા. સ્મૃતિ મંધાના ફાઇનલમાં કાંઇ ખાસ કમાલ કરી શકી નહોતી અને ફક્ત 11 રન બનાવી આઉટ થઇ હતી. ઓસ્ટ્રેલિયા તરફથી મેગાન સ્કટે ચાર અને જેસ જોનાસને ત્રણ જ્યારે સોફી મોલિન્યૂક્સ અને ડેલિસા કિમિંન્સ અને નિકોલા કેરીએ એક-એક વિકેટ ઝડપી હતી.

16:01 PM (IST)  •  08 Mar 2020

ટોસ જીતીને પ્રથમ બેટિંગ કરવા ઉતરેલી ઓસ્ટ્રેલિયાએ 20 ઓવરમાં ચાર વિકેટ ગુમાવી 184 રન બનાવ્યા હતા. ભારત સામે વર્લ્ડકપ જીતવા માટે 185 રનનો ટાર્ગેટ આપ્યો હતો. જેના જવાબમાં ટીમ ઇન્ડિયા 19.1 ઓવરમાં 99 રનમાં ઓલઆઉટ થઇ ગઇ છે. ઓસ્ટ્રેલિયાએ રેકોર્ડ પાંચમી વખત આ ટાઇટલ જીત્યું છે.