IPL11: ડિવિલિયર્સના ધમાકાથી જીતી રૉયલ ચેલેન્જર્સ, દિલ્હીની વધુ એક હાર

બેગ્લુરુંની પાંચ મેચોમાં આ બીજી જીત છે, જ્યારે દિલ્હીને આટલી જ મેચમાં ચોથી હારનો સામનો કરવો પડ્યો છે. એબી ડિવિલિયર્સે પોતાના સદાબહાર અંદાજમાં બેટિંગ કરતાં ઋષભ પંતના સાહસિક પ્રયાસો પર પાણી ફેરવીને રૉયલ ચેલેન્જર્સ બેગ્લુરુંને જીત અપાવી દીધી હતી.

શરૂઆતમાં બે વિકેટ ઝડપથી પડી ગયા બાદ આંશિક સંકટમાં મૂકાયેલી RCBની લથડતી ઈનિંગને સુકાની વિરાટ કોહલી અને હાર્ડહિટર એબી ડીવિલિયર્સે સંભાળી હતી. તેમાં પણ એબીડીએ તો આવતાવેંત જ સટાસટી બોલાવી હતી અને ફક્ત 16 બોલમાં 5 ફોર અને 1 સિક્સ વડે 33 રન ફટકાર્યા હતા. જ્યારે વિરાટે પણ 23 બોલમાં 2 ફોર અને 1 સિક્સ વડે 27 રન ફટકાર્યા હતા. બંનેએ 49 રનની અણનમ ભાગીદારી કરતા RCBનો સ્કોર 10 ઓવરના અંતે 2 વિકેટે 82 રન થયો હતો.