2013થી ભારત નથી જીતી શક્યું કોઈ ICC ટુર્નામેન્ટ, ઓસ્ટ્રેલિયાના દિગ્ગજ ખેલાડીએ જણાવ્યું કેમ હારી જાય છે ટીમ ઈન્ડિયા ?

ઓસ્ટ્રેલિયાના મહાન કેપ્ટનો પૈકીના એક સ્ટીવ વૉનું માનવું છે કે ભારતીય ટીમ કોઈપણ ICC ટુર્નામેન્ટ જીતવાની ક્ષમતા ધરાવે છે. છેલ્લા 7 વર્ષમાં ભારત કોઈ ટુર્નામેન્ટ જીતી નથી શક્યું તે માત્ર કિસ્મતની વાત છે.

નવી દિલ્હીઃ ઓસ્ટ્રેલિયાના મહાન કેપ્ટનો પૈકીના એક સ્ટીવ વૉનું માનવું છે કે ભારતીય ટીમ કોઈપણ ICC ટુર્નામેન્ટ જીતવાની ક્ષમતા ધરાવે છે. છેલ્લા 7 વર્ષમાં ભારત કોઈ ટુર્નામેન્ટ જીતી નથી શક્યું તે માત્ર કિસ્મતની વાત છે. ભારત 2013 બાદ કોઈ મોટી ટુર્નામેન્ટ જીતી શક્યુ નથી, જ્યારે દ્વીપક્ષીય સીરિઝમાં શાનદાર પ્રદર્શન રહ્યું છે. આઈસીસી રેંકિંગમાં પણ ભારતનો દબદબો જોવા મળે છે પરંતુ કોઈ આઈસીસી ટુર્નામેન્ટમાં વિજેતા બની શક્યું નથી. સ્ટીવ વૉએ કહ્યું, કોઈપણ ટુર્નામેન્ટમાં હરિફાઈનું સ્તર ખૂબ વધારે હોય છે. અહીંયા દરેક મેચ મુશ્કેલ હોય છે અને જીત મેળવવી સરળ હોતી નથી. નોકઆઉટ મેચમાં હાર થવી માનસિક નબળાઈનું પ્રતીક નથી, પરંતુ વિરોધી ટીમ એટલી મજબૂત હોય છે કે ભારતે હારનો સામનો કરવો પડે છે. વૉએ કહ્યું, કોઈપણ મોટી ટુર્નામેન્ટ જીતવી સરળ હોતી નથી. જ્યારે તમે જીતી રહ્યા હોવ ત્યારે આ ચીજોને સરળતાથી લો છે. ભારતીય ખેલાડી કોઈ પણ ટુર્નામેન્ટમાં પ્રબળ દાવેદાર હોય છે. ભારતીય સમર્થકોએ ધૈર્ય રાખવાની જરૂર છે. ભારતીય ટીમ ટૂંક સમયમાં કોઈ મોટી ટુર્નામેન્ટ જીતશે. આ પહેલા વેસ્ટ ઈન્ડિઝના દિગ્ગજ ખેલાડી બ્રાયન લારાએ પણ કહ્યું હતું કે, કોહલી એન્ડ કંપી કોઈ પણ ટુર્નામેન્ટ જીતવા સક્ષમ છે. ભારતીય ટીમના સમર્થકોને ગર્વ થવો જોઈએ. કોઈપણ ટીમ ભારત સામે રમતા પહેલા તેઓ સેમી ફાઇનલ, ફાઇનલ કે અન્ય મેચ હોય તો પણ દરેક મેચને મહત્વ આપે છે. ન્યૂઝીલેન્ડ પ્રવાસ પહેલા ભારતને લાગ્યો મોટો ફટકો, હાર્દિક પંડ્યા ફિટનેસ ટેસ્ટમાં થયો ફેલ ATMમાંથી 100ના બદલે નીકળવા લાગી 500 રૂપિયાની નોટ, બાદમાં લોકોએ કર્યુ આ કામ ન્યૂઝીલેન્ડ પ્રવાસ માટે આજે ટીમ ઈન્ડિયાની થશે જાહેરાત, ધોની પર રહેશે નજર