એક સમયે ગોવામાં ટેબલ સાફ કરતો હતો, આજે વિરાટ કોહલીની કેપ્ટનશીપમાં રમે છે આ ખેલાડી

કુલવંત માટે અહીંયા સુધીનું સફર સરળ નથી રહ્યું. આઈપીએલમાં આવતા પહેલા કુલવંત ગોવાની એક રેસ્ટોરાંમાં નોકરી કરતો હતો. રાજસ્થાનનો રહેવાસી કુલવંતને ક્રિકેટ શરૂઆતથી જ પસંદ હતી. પરંતુ પરિવારની આર્થિક સ્થિતિ સારી ન હોવાના કારણે તે આમ ન કરી શક્યો. વેઈટરની નોકરીથી કંટાળીને કુલવંતે ફરીથી ક્રિકેટ રમવાનું શરૂ નક્કી કર્યું.

આ વર્ષે પણ ટીમમાં કેટલાક એવા ખેલાડીઓ છે જે પોતાના પ્રદર્શનના જોરે ભારતીય ટીમમાં સ્થાન બનાવવાની ઈચ્છા રાખે છે. તેમાંથી એક નામ છે આરેસીબીના ફાસ્ટ બોલર કુલવંત ખેજરોલિયાનું. કુલવંત ખેજરોલિયાને આ વર્ષે વિરાટ કોહલીની કેપ્ટનશીપમાં રમવાની તક મળી છે. પાછલા વર્ષે કુલવંતને મુંબઈની ટીમે ખરીદ્યો હતો. પરંતુ તે એકપણ મેચ નહોતો રમી શક્યો. આ સિઝનની પહેલી મેચમાં તેને આરસીબી તરફથી રમવાની તક મળી. જોકે પહેલી મેચમાં તે વિકેટ લેવામાં સફળ ન થયો, પરંતુ તેની બોલિંગે બધાને પ્રભાવિત કર્યા.