દ્રવિડ સેનાના આ ક્રિકેટરે કરી કોહલીના શોટની આબેહૂબ નકલ, જોનારા રહી ગયા દંગ

રાહુલ દ્રવિડના માર્ગદર્શનમાં અંડર-19 ટીમ ઈન્ડિયા હાલ ન્યૂઝીલેન્ડમાં વર્લ્ડકપ રમી રહી છે. ઝિમ્બાબ્વે સામેની મેચમાં ટીમના ઓપનર શુભમ ગિલે 90 રનની ધમાકેદાર ઈનિંગ રમી હતી. આ સમયે તેણે ફટકારેલા એક શોટને જોઈ તમામ લોકોને વિરાટ કોહલીની યાદ આવી ગઈ હતી.

અંડર-19 વર્લ્ડકપમાં ભારતની જીતનો ઘણો આધાર શુભમ ગિલની ઇનિંગ પર રહેશે તેમ કહેવામાં આવી રહ્યું છે.

શુભમ ગિલે અંડર-19 વર્લ્ડકપની પ્રથમ બે મેચ સહિત છેલ્લી 12 ઇનિંગમાં 103.91 રનની સરેરાશથી બેટિંગ કરી છે. તેથી ઘણા લોકો તેને અંડર 19નો ડોન બ્રેડમેન પણ કહી રહ્યા છે.

ઝિમ્બાબ્વે સામેની અંડર-19 વર્લ્ડકપ મેચમાં ગિલે પણ આવો જ શોટ રમ્યો હતો. શુભમે 153 રનના સ્ટ્રાઇકથી 90 રનની ઈનિંગમાં એક જ સિક્સ ફટકારી હતી અને તે આ શોટ વડે વાગી હતી. ટીમ ઈન્ડિયાએ આ મેચ 10 વિકેટથી જીતી લીધી હતી.

શુભમે વિરાટ કોહલીના શાનદાર શોટની કોપી કરી હતી. વિરાટ કોહલીએ પોતે શોર્ટ આર્મ જેબ શોટની શોધ કરી હતી અને તે આ શોટને શાનદાર રીતે રમતો જોવા મળે છે. અંડર-19 વર્લ્ડકપમાં શુભમ ગીલે તેવો જ શોટ રમીને સિક્સ ફટકારી હતી.