Vinesh Phogat Prize Money: શું વિનેશ ફોગાટને ઇનામ તરીકે 16 કરોડ રૂપિયા મળ્યા? જાણો વાયરલ દાવાનું સત્ય
Vinesh Phogat Viral Post: વિનેશ ફોગાટ વિશે સોશિયલ મીડિયા પર દાવો કરવામાં આવી રહ્યો છે કે તેમને ઇનામ તરીકે 16 કરોડ રૂપિયા મળ્યા છે. પરંતુ આ મામલાનું સત્ય કંઈક અલગ જ છે.
Vinesh Phogat Paris Olympics 2024: ભારતીય રેસલર વિનેશ ફોગાટની વાપસી પછી તેમનું શાનદાર રીતે સ્વાગત કરવામાં આવ્યું. વિનેશ પેરિસ ઓલિમ્પિક્સ 2024માં મેડલ જીતવાથી ચૂકી ગયા. તેમને ગોલ્ડ મેડલની મેચ પહેલાં ડિસ્ક્વોલિફાય કરવામાં આવ્યા હતા. હવે વિનેશ વિશે સોશિયલ મીડિયા પર એક પોસ્ટ વાયરલ થઈ રહી છે. દાવો કરવામાં આવી રહ્યો છે કે વિનેશને 16 કરોડ રૂપિયાથી વધુની ઇનામી રકમ મળી છે. પરંતુ આ દાવાનું સત્ય કંઈક અલગ જ છે. વિનેશના પતિ સોમવીર રાઠીએ આને ખોટું ઠેરવ્યું છે.
વાસ્તવમાં વિનેશ માટે દાવો કરવામાં આવી રહ્યો છે કે તેમને દેશના અલગ અલગ સંગઠનો તરફથી ઇનામી રકમ આપવામાં આવી છે. વિનેશને હરિયાણા વ્યાપાર સંગઠન, આંતરરાષ્ટ્રીય જાટ મહાસભા અને પંજાબ જાટ એસોસિએશન તરફથી 2-2 કરોડ રૂપિયા આપવામાં આવ્યા છે. આ જ રીતે પોસ્ટમાં કુલ રકમ 16 કરોડ અને 30 લાખ રૂપિયા બતાવવામાં આવી છે. પરંતુ વિનેશના પતિ સોમવીર રાઠીએ આ દાવાનું ખંડન કર્યું છે. તેમણે એક્સ પર પોસ્ટ શેર કરીને આને ખોટું ઠેરવ્યું છે.
निम्नलिखित संस्थाओं, व्यापारियों, कंपनियों और पार्टियों द्वारा विनेश फोगाट को कोई धनराशि प्राप्त नहीं हुई है. आप सभी हमारे शुभचिंतक लोग हैं, कृपया झूठी खबरें न फ़ैलाएँ. इससे हमारा नुक़सान तो होगा ही. सामाजिक मूल्यों का भी नुक़सान होगा.
— Somvir Rathee (@somvir_rathee) August 18, 2024
यह सस्ती लोकप्रियता पाने का साधन मात्र है. pic.twitter.com/ziUaA8ct1W
વિનેશ ફોગાટે પેરિસ ઓલિમ્પિક્સમાં સિલ્વર મેડલ પાકું કરી લીધું હતું. પરંતુ ગોલ્ડ મેડલની મેચ પહેલાં તેઓ ઓવરવેઇટ જોવા મળ્યા. વિનેશ ફોગાટને મહિલાઓની 50 કિગ્રા વજન વર્ગની ફાઇનલ પહેલા જ ગેરલાયક ઠેરવવામાં આવી હતી કારણ કે ગુરુવાર, 7 ઓગસ્ટના રોજ યોજાનારી ફાઇનલની સવારે વજન દરમિયાન તેનું વજન નિર્ધારિત મર્યાદા કરતાં 100 ગ્રામ વધુ હોવાનું જણાયું હતું. વિનેશ ફોગાટને મહિલાઓની 50 કિગ્રા વજન વર્ગની ફાઇનલ પહેલા જ ગેરલાયક ઠેરવવામાં આવી હતી કારણ કે ગુરુવાર, 7 ઓગસ્ટના રોજ યોજાનારી ફાઇનલની સવારે વજન દરમિયાન તેનું વજન નિર્ધારિત મર્યાદા કરતાં 100 ગ્રામ વધુ હોવાનું જણાયું હતું. વિનેશે આ પછી સિલ્વર મેડલ માટે કોર્ટ ઓફ આર્બિટ્રેશન ફોર સ્પોર્ટ્સમાં અપીલ પણ કરી. પરંતુ તેમની અપીલ ફગાવી દેવામાં આવી. વિનેશની સાથે સાથે તેમના ચાહકોને પણ આનાથી મોટો આંચકો લાગ્યો. વિનેશની ભારત વાપસી પછી તેમનું શાનદાર અંદાજમાં સ્વાગત કરવામાં આવ્યું.
આ પણ વાંચોઃ Vinesh Phogat: અપીલ રદ થયા પછી પ્રથમ વખત વિનેશ ફોગાટે આપી પ્રતિક્રિયા, કહ્યું - પિતા બસ ડ્રાઈવર છે પણ.....
ટોપ સ્ટોરી
ટ્રેન્ડિંગ સમાચાર
