ધોનીએ આ ખેલાડીના કહેવાથી બદલ્યો નિવૃત્તિનો નિર્ણય! વર્લ્ડકપ પછી....

વેસ્ટ ઇન્ડીઝ પ્રવાસ માટે ટીમ ઇન્ડિયાની જાહેરાત પહેલા ચીફ સિલેક્ટર એમએસકે પ્રસાદે પણ ધોની સાથે તેના ભવિષ્યની યોજનાઓ ઉપર વાતચીત કરી હતી.

નવી દિલ્હીઃ ટીમ ઇન્ડિયાના પૂર્વ કેપ્ટન અને દિગ્ગજ ખેલાડી મહેન્દ્ર સિંહ ધોનીના નિવૃત્તીને લઈને ખૂબ ચર્ચા ચાલી રહી છે. વર્લ્ડકપ સેમી ફાઈનલમાં હાર બાદ ચર્ચા હતી કે ધોની હવે નિવૃત્તિ લઈ લેશે. જોકે ધોનીએ એવી કોઈ જાહેરાત કરી નથી. હવે એવા અહેવાલ સામે આવ્યા છે કે, ધોનીએ વર્લ્ડકપ પછી નિવૃત્તિ લેવાનો નિર્ણય કરી લીધો હતો. પરંતુ કેપ્ટન વિરાટ કોહલીની ઈચ્છા ન હતી કે ધોની તેનો સાથ છોડે. વેસ્ટ ઇન્ડીઝ પ્રવાસ માટે ટીમ ઇન્ડિયાની જાહેરાત પહેલા ચીફ સિલેક્ટર એમએસકે પ્રસાદે પણ ધોની સાથે તેના ભવિષ્યની યોજનાઓ ઉપર વાતચીત કરી હતી. આ બેઠકમાં એમએસકે પ્રસાદે ધોનીને કહી દીધું હતું કે ભવિષ્યમાં ટીમ ઇન્ડિયાનો પ્રથમ વિકેટકીપર રિષભ પંત હશે. જોકે પ્રસાદે ધોની પર નિવૃત્તીને લઈને કોઈ દબાણ બનાવ્યું ન હતું. DNAએ કોહલીના નજીકના સૂત્રોને ટાંકીને કહ્યું છે કે, વિરાટ કોહલીએ ધોનીને નિવૃત્તિ ન લેવા માટે કહ્યું હતું. વિરાટના મતે ધોની હજુ પણ ફીટ છે અને તે આગામી વર્ષે રમાનાર ટી-20 વર્લ્ડ કપ સુધી રમી શકે છે. વિરાટ કોહલી ઈચ્છે છે કે ધોની પંતની રમતમાં સુધારો લાવો અને તેને શાનદાર ખેલાડી બનાવે. આ પહેલા એવા અહેવાલ સામે આવ્યા હતા કે, ધોનીને ટી-20 વર્લ્ડ કપ સુધી રમાડવાનો નિર્ણય મેન્ટોર તરીકે તેની સેવાઓ લેવાનો છે. જો પંત ઈજાગ્રસ્ત થાય તો તેનો વિકલ્પ કોણ બને અને હાલમાં ભારતમાં ધોનીની કક્ષાનો  બીજો કોઈ વિકેટકિપર નથી.