વિરાટ કોહલી છે આ ફૂટબોલરનો ડાઈહાર્ડ ફેન, કહ્યું- તેનાથી પ્રેરણા મળે છે

એક ઈન્ટરવ્યૂમાં કોહલીએ રોનાલ્ડોની ખૂબ પ્રશંસા કરતા કહ્યું કે, “મારા માટે ક્રિસ્ટિયાનો સૌથી ઉપર છે. તેમનામાં કમિટમેન્ટ અને વર્ક એથિક્સ ગજબનો છે.

નવી દિલ્હી: ટીમ ઈન્ડિયાના કેપ્ટન વિરાટ કોહલી એક મોટો ફૂટબૉલ ફેન છે. કોહલીનો મનપસંદ ફુટબોલર ક્રિસ્ટિયાનો રોનાલ્ડો છે. કોહલીએ એક ઈન્ટરવ્યૂંમાં સ્વિકાર્યું છે કે રોનાલ્ડો બધા માટે એક પ્રેરણારૂપ છે અને પોતાને પણ તેનાથી પ્રેરણા મળે છે. એક ઈન્ટરવ્યૂમાં કોહલીએ રોનાલ્ડોની ખૂબ પ્રશંસા કરતા કહ્યું કે, “મારા માટે ક્રિસ્ટિયાનો સૌથી ઉપર છે. તેમનામાં કમિટમેન્ટ અને વર્ક એથિક્સ ગજબનો છે. તે જીતવા માંગે છે. તમે આ વસ્તુને તમામ મેચોમાં જોઈ શકો છો. ” કોહલીએ પણ કહ્યું કે રોનાલ્ડોનું કેરિયર આર્જેન્ટીના દિગ્ગજ ખેલાડી લિયોનેલ મેસ્સીથી પણ બહેતર રહ્યું છે. કોહલીએ કહ્યું, “મારા મત પ્રમાણે રોનાલ્ડોએ વધુ પડકારનો સામનો કર્યો છે અને તે તેમાં સફળ રહ્યો છે. તે નિપુણ ખેલાડી છે. તેમનું વર્ક એથિક્સ ગજબનું છે. તે લોકોને પ્રેરિત કરે છે. મને નથી લાગતું કે ઘણા લોકો તેમ કરતા હશે. તે એક લીડર પણ છે અને મને ખૂબ પસંદ છે.”

"@Cristiano is the most complete player I've seen. He inspires me." Cricket icon @imVkohli discusses his passion for football, favourite players, the game's development in India and much more 🏏❤️⚽️

— FIFA.com (@FIFAcom) August 2, 2019

વિરાટે એ પણ કહ્યું કે આવનારો સમય કીલિયન એમ્બાપ્પેનો છે. કોહલીએ કહ્યું કે, મારા માટે લિયે એમ્બાપ્પે બેહતરીન ખેલાડી છે. અર્જેન્ટીના વિરુદ્ધ વર્લ્કપ 2018માં તેમની સ્પ્રિન્ટને ભૂલવું મુશ્કેલ છે. નિશ્ચિત રીતે તેને હું સૌથી ઉપર રાખીશ. તે ટૉપ ક્લાસનો ખેલાડી છે.