વર્લ્ડકપ 2019: સાઉથ આફ્રિકા સામે રોહિત શર્મા સહિત આ ખેલાડી રહ્યા જીતના હીરો, જાણો વિગત

આ ઉપરાંત ભુવનેશ્વર કુમારે 44 રનમાં 2 તથા કુલદીપ યાદવે 46 રનમાં 1 વિકેટ ઝડપી ભારતની જીતમાં મહત્વપૂર્ણ યોગદાન આપ્યું હતું. આ સાથે જ ભારતે વર્લ્ડકપમાં બીજી વખત સાઉથ આફ્રિકાને હાર આપી હતી.

નવી દિલ્હીઃ ભારતે બુધવારે આઈસીસી ક્રિકેટ વર્લ્ડ કપ 2019ની પ્રથમ મેચમાં દક્ષિણ આફ્રિકાને છ વિકેટથી હાર આપીને ટુર્નામેન્ટમાં વિજય સાથે શરૂઆત કરી હતી. દક્ષિણ આફ્રિકાએ મેચ જીતવા આપેલા 228ના રનના લક્ષ્યાંકને ભારતે 47.3 ઓવરમાં ચાર વિકેટ ગુમાવીને હાંસલ કરી લીધો હતો. સાઉથ આફ્રિકા ટુર્નામેન્ટમાં સળંગ ત્રણ મેચ હારી ગઈ છે અને તેમના માથે બહાર ફેંકાઇ જવાનું જોખમ તોળાઈ રહ્યું છે. ભારતની જીતમાં રોહિત શર્મા, યુઝવેન્દ્ર ચહલ સહિત કેટલાક ખેલાડીઓ જીતના હીરો રહ્યા હતા.