વાસનાંધ વેલ્સી અને સુકેતુની કામલીલાઃ લગ્ન પછીય વાસનાંધ વેલ્સી પ્રેમીને હોટલમાં મળવા જતી

પ્રિન્સ હોટલમાં મહિનામાં 10થી 12 વખત બંનેની મુલાકાતો થતી હતી. આમ, બંનેને એકબીજા વગર રહેવું મુશ્કેલ લાગતું હતું. જોકે, વેલ્સીને દીકરી ફિયાનાનો વિચાર આવતાં બંને ભાગી જવાનું માંડી વાળતા હતા. તેમણે બે મહિના પહેલા જ ભાગી જવાનો પ્લાન કર્યો હતો, પરંતુ સાસરીવાળા દીકરી નહીં આપે, તેવા ભયથી વિચાર માંડી વાળ્યો હતો.

દિશીત પોતાના ઘરમાં કામવાળી રાખવા માગતો હતો. પરંતુ જો કામવાળી રાખવામાં આવે તો તે સુકેતુ અને વેલ્સીના લગ્નેત્તર સંબંધોમાં વિઘ્ન બને તેમ હતી. આથી તેણે કામવાળી રાખવાની ના પાડી દીધી હતી. આ મુદ્દે પતિ-પત્ની વચ્ચે કંકાસ પણ થતો હતો.