સુરતના તાંત્રિકની સેક્સલીલાઃ 'તારા પતિને બચાવવો હોય તો મા-દીકરીએ મારા તાબે થવું પડશે'

હાલ અઠવા પોલીસે બળાત્કાર ગુજારનાર અકમલ સામે પોલીસ ફરિયાદ નોંધી છે અને મા-દીકરીને મેડિકલ તપાસ માટે સુરત સિવિલ હોસ્પિટલ લઈ આવી હતી. જ્યાં તપાસ કર્યા બાદ પોલીસે હાલ અકમલની શોધખોળ શરૂ કરી છે.

સુરતઃ પાંડેસરાની એક મહિલા અને તેની સગીર દીકરી પર ખ્વાજા દાનાની દરગાહના અકમલ બાબા નામના તાંત્રિકે બળાત્કાર ગુજાર્યો હોવાની ઘટના સામે આવી છે. અકલમ બાબાએ મહિલાને તેના પતિ પર જાદુ ટોણાની અસર હોવાનું જણાવી મા-દીકરી તેની સેક્સ સંબંધ નહીં બાંધે તો તેના પતિનું મોત થઈ જશે, તેવી ધમકી આપી હતી. આ ધમકી આપીને બંને પર બળાત્કાર ગુજાર્યો હતો. એટલું જ નહીં તેનો વીડિયો પણ બનાવ્યો હતો.

મહિલાની ફરિયાદના આધારે અઠવા પોલીસે અકમલને ત્યાં તપાસ કરતાં ત્યાંથી રૂમમાં લાગેલા કેમેરા મળી આવ્યાં હતાં. જેમાં અકમલ મા-દીકરી સાથેના સેક્સ સંબંધનો વીડિયો પણ મળી આવ્યો હતો. પોલીસે તાંત્રિકની રૂમમાંથી કેમેરા કોમ્પ્યુટર જપ્ત કર્યું છે. જેમાં બાબાની કામલીલા કેદ થઈ હોવાનું માનવામાં આવે છે.

મીલ મજૂરની દીકરી ધોરણ-9માં અભ્યાસ કરે છે. આ સગીરા ગત 14મી ફેબ્રુઆરીએ માતૃપૂજન કાર્યક્રમ દરમિયાન શાળામાં રડતી હતી. આ અંગે તેના શિક્ષિકાએ પૂછતાં સગીરાએ સમગ્ર હકિકત તેમને જણાવી હતી. આ પછી શિક્ષિકાએ સ્થાનિક કોર્પોરેટરને વાત કર્યા પછી અઠવા પોલીસ સ્ટેશનમાં ફરિયાદ નોંધાવવામાં આવતાં સમગ્ર કિસ્સો બહાર આવ્યો હતો.

આ અંગે એવી પણ માહિતી સામે આવી છે કે, અકમલ મહિલાને પહેલાં હબીબશા મહોલ્લાના મકાનના ભોંયરામાં લઇ ગયો હતો. જ્યાં મહિલા પર આ કહેવાતા બાબાએ વારંવાર બળાત્કાર ગુજાર્યો હતો. તેમ છતા મહિલાના પતિની તબિયતમાં સુધારો ન થતા તાંત્રિકે નવો દાવ અજમાવ્યો હતો અને આ મહિલાની 14 વર્ષની સગીર દીકરીને વિધી માટે બોલાવી મારી નાંખવાની ધમકી આપી બળાત્કાર ગુજાર્યો હતો.

પાંડેસરાના ભીડભંજન નજીક વિનાયક નગરમાં રહેતા મૂળ નાગપુરના વતની અને મીલમાં મજૂરીકામ કરતાં મજૂરને દોઢેક વર્ષથી ચક્કર આવવાની બીમારી લાગુ પડી હતી. આ બીમારી હટાવવા માટે તે પત્ની અને દીકરી સાથે ચોકબજાર ખાતે આવેલી ખ્વાજા દાનાની દરગાહમાં અકમલ બાબા પાસે ગયા હતા. જ્યાં અકમલે જાદુ-ટોણા ઉતારવાના બહાને મા-દીકરી પર બળાત્કાર ગુજાર્યો હતો. આ પછી આ સીલસીલો દોઢ વર્ષ સુધી ચાલ્યો હતો.