એન્ડ્રોઇડ ફોનથી પડશે પ્રોફેશનલ કેમેરા જેવા ફોટા, બસ ફક્ત આ 4 ટિપ્સ રાખો યાદ

Android Phones Photography Tips: છેલ્લા કેટલાક વર્ષોમાં સ્માર્ટફોન કેમેરા અતિ શક્તિશાળી બન્યા છે, જે હવે DSLR જેવી ક્ષમતાઓ પ્રદાન કરે છે. થોડી સરળ ટિપ્સ લાગુ કરીને, તમે એવા ફોટા કેપ્ચર કરી શકો છો જે પ્રોફેશનલ કેમેરાથી લીધેલા ફોટાને ટક્કર આપે.

મોબાઇલ કેમેરા

Source : pexels

Show Quick Read

Key points generated by AI, verified by newsroom

• HDR મોડ વાપરી ફોટોની ડિટેલ્સ અને વાઇબ્રેન્સી વધારો.
• ગ્રીડલાઇનનો ઉપયોગ કરીને ફોટામાં કમ્પોઝિશન અને ફ્રેમિંગ સુધારો.
• ફોટોની ક્વોલિટી જાળવવા ડિજિટલ ઝૂમનો ઉપયોગ ટાળો.
• સ્પષ્ટ ફોટા માટે કેમેરા લેન્સને હંમેશા સાફ રાખો.

Android Phones Photography Tips: છેલ્લા કેટલાક વર્ષોમાં સ્માર્ટફોન કેમેરા ટેક્નોલોજી ખૂબ જ બદલાઈ ગઈ છે. હવે મોબાઈલ ફોનમાં એવા કેમેરા આવવા લાગ્યા છે, જે બિલકુલ DSLR કેમેરા જેવો ફોટો કેપ્ચર કરી શકે છે. ફોટોગ્રાફીમાં ટેક્નોલોજીની સાથે સાચી ટિપ્સને ધ્યાનમાં રાખવી પણ જરૂરી છે. આજે અમે તમને કેટલીક એવી જ ટિપ્સ જણાવવા જઈ રહ્યા છીએ, જેની મદદથી તમે તમારા એન્ડ્રોઇડ ફોનથી પણ એકદમ શાનદાર દેખાતા ફોટા લઈ શકશો.

 

HDR મોડનો ઉપયોગ કરો

આધુનિક સ્માર્ટફોન કેમેરામાં HDR (હાઇ ડાયનામિક રેન્જ) મોડ મળે છે. તે ફોટોની ડિટેલ્સને વધારે છે. આ મોડને ઇનેબલ કરવો એકદમ સરળ છે અને તે ફોટોમાં ડેપ્થ અને વાઇબ્રેન્સી ઉમેરે છે. તેને ઇનેબલ કરવા માટે ફોનનો કેમેરા ઓપન કરો અને સેટિંગમાં જઈને Auto HDR ને ઓન કરી દો. એ વાતનું ધ્યાન રાખવું કે HDR દરેક સબ્જેક્ટ અને સેટિંગ પર કામ નથી કરતું અને ઘણા ફોટામાં તે સબ્જેક્ટના શેડોને પણ ગાયબ કરી શકે છે.

ગ્રીડલાઇનથી સરળ બનશે ફોટોગ્રાફી

જો તમે કોઈ પ્રોફેશનલ ફોટોગ્રાફરને પૂછશો, તો તે ફોટોગ્રાફી માટે કમ્પોઝિશન અને ફ્રેમિંગને સૌથી મહત્વપૂર્ણ ગણાવશે. જો તમે ફ્રેમિંગનું ધ્યાન નહીં રાખો, તો લાઇટિંગ સહિતની બધી બાબતો યોગ્ય હોવા છતાં પણ ફોટો એકદમ સામાન્ય દેખાઈ શકે છે. ફ્રેમિંગને સરળ બનાવવા માટે સ્માર્ટફોનમાં ગ્રીડલાઇનનો ઓપ્શન મળે છે. ગ્રીડલાઇન મુજબ ફોટો લેવાથી સબ્જેક્ટ એકદમ ઉભરીને સામે આવે છે, જેનાથી ફોટો એકદમ પ્રોફેશનલ કેમેરાથી લેવામાં આવ્યો હોય તેવો લાગે છે.

ડિજિટલ ઝૂમના ઉપયોગથી બચો

આજકાલ ફોનની સાથે ઝૂમ કિટ પણ આવવા લાગી છે, જેની મદદથી તમે દૂરની વસ્તુઓને પણ કેપ્ચર કરી શકો છો. ઘણી કંપનીઓ પોતાના કેમેરાની ઝૂમ કેપેબિલિટીને મોટા ફીચર તરીકે પ્રમોટ પણ કરે છે, પરંતુ સારી ફોટોગ્રાફી માટે ડિજિટલ ઝૂમથી બચવું જોઈએ. આનાથી ચોક્કસપણે દૂરની વસ્તુઓ કેપ્ચર કરી શકાય છે, પરંતુ તેનું રેઝોલ્યુશન બગડી જાય છે. એટલે કે કેપ્ચર કર્યા પછી ફોટોની ક્વોલિટી ખરાબ થઈ જાય છે.

લેન્સ સાફ રાખવો જરૂરી છે

આ એક બેઝિક ટિપ છે, પરંતુ ઘણી વખત લોકો લેન્સ સાફ કરવાનું ભૂલી જાય છે, જેનાથી પરફેક્ટ મોમેન્ટ બ્લર થઈ જાય છે. વાસ્તવમાં, આખો દિવસ ફોન હાથમાં રહેવાના કારણે કેમેરા લેન્સ પર ફિંગરપ્રિન્ટ્સ, પરસેવો અને ધૂળ વગેરે જમા થઈ શકે છે. જો તેને સાફ કરવામાં ન આવે તો ફોટો ધૂંધળો આવે છે. તેથી ફોટો લેતા પહેલા કેમેરા લેન્સને સોફ્ટ  કપડાથી સાફ કરી લો.

આ પણ વાંચો

Free WiFi Danger: પબ્લિક Wi-Fi યુઝ કરતી વખતે ન કરો આ ભૂલો, નહિ તો ખાલી જઇ જશે અકાઉન્ટ

AC ખરીદતી વખતે રૂમની સાઈઝનું રાખો ખાસ ધ્યાન, જાણો તમારા રુમ માટે કેટલા ટનનું એસી લેવું જોઈએ