Meta ના સ્માર્ટ ચશ્માએ બદલી નાખી ગેમ, હવામાં ઈશારો કરવાથી ટાઈપ થઈ જશે મેસેજ

Meta Ray-Ban Display Smart Glasses Feature: મેટાના સ્માર્ટ ચશ્મા માટે એક નવું ફીચર રજૂ કરવામાં આવ્યું છે. આ ક્ષમતા સાથે તમે હવામાં ઈશારો કરીને મેસેજ લખી શકશો. આ કામ ફોનને સ્પર્શ કર્યા વિના પૂર્ણ કરી શકાય છે.

પ્રતિકાત્મક તસવીર

Source : X.com

Show Quick Read

Key points generated by AI, verified by newsroom

• મેટાના સ્માર્ટ ચશ્મામાં નવા AI ફીચર્સ, હવામાં મેસેજ ટાઈપ કરો.
• ન્યુરલ હેન્ડરાઈટિંગ માટે રિસ્ટબેન્ડ હાથના ઈશારા ટ્રેક કરશે.
• ચશ્મા હવે ડિસ્પ્લે રેકોર્ડિંગ, લાઈવ કેપ્શન, નેવિગેશન પણ આપશે.
• સ્માર્ટ ગ્લાસિસમાં સ્પર્ધા વધી, મેટા નવીનતા પર ભાર મૂકે છે.

Meta Ray-Ban Display Smart Glasses Feature: ફેસબુકની પેરન્ટ કંપની મેટાએ ગયા વર્ષે ડિસ્પ્લેવાળા Meta Ray-Ban Display સ્માર્ટ ચશ્મા લાવીને તહેલકો મચાવી દીધો હતો. હવે કંપનીએ વધુ એક ધડાકો કર્યો છે. મેટાએ તેના સ્માર્ટ ચશ્મા માટે નવા AI-પાવર્ડ ફીચર્સની જાહેરાત કરી છે. જેમાં સૌથી ખાસ 'ન્યુરલ હેન્ડરાઈટિંગ'નું ફીચર છે. આની મદદથી યુઝર હવામાં હાથ હલાવીને મેસેજ ટાઈપ કરી શકે છે. ખાસ વાત એ છે કે આ માટે ફોનને ખિસ્સામાંથી પણ કાઢવાની જરૂર નહીં પડે. માત્ર હવામાં ઈશારા કરીને મેસેજ મોકલી શકાશે.

 

રિસ્ટબેન્ડથી થશે બધો કમાલ

ન્યુરલ હેન્ડરાઈટિંગનું આખું કામ ચશ્માની સાથે લોન્ચ થયેલા ન્યુરલ રિસ્ટબેન્ડની મદદથી થશે. આ રિસ્ટબેન્ડ યુઝરના હાથના ઈશારાઓને ટ્રેક કરીને ઇનપુટને સમજી શકે છે. એટલે કે જો કોઈ યુઝર હવામાં કંઈક લખવાનો પ્રયત્ન કરશે, તો આ રિસ્ટબેન્ડ તે એક્શનને ફોન પર ટ્રાન્સફર કરી દેશે. આની મદદથી મેસેજ ટાઈપ કરવા અને ઈન્ટરફેસને કંટ્રોલ કરવા જેવા કામ થઈ શકે છે. નવું ફીચર આવ્યા બાદ હવે હવામાં ઈશારા કરીને વોટ્સએપ, મેસેન્જર અને ઈન્સ્ટાગ્રામ સહિત અનેક એપ્સમાં મેસેજ ટાઈપ કરી શકાશે.

AI થી હકીકતમાં થઈ રહી છે ફિલ્મી વસ્તુઓ

થોડા સમય પહેલા સુધી હવામાં હાથ હલાવીને મેસેજ ટાઈપ કરવો એ બિલકુલ ફિલ્મી વાત લાગતી હતી. હવે AI આવ્યા બાદ આવી ઘણી વસ્તુઓ હકીકત બની રહી છે. AI ની જેમ રોબોટિક્સના સેક્ટરમાં પણ કમાલ થઈ રહ્યો છે. હવે ફિલ્મોમાં જોવા મળતા રોબોટ અસલી દુનિયામાં આવી રહ્યા છે.

મેટાએ આ ફીચર્સની પણ કરી જાહેરાત

ન્યુરલ હેન્ડરાઈટિંગ ઉપરાંત મેટાએ તેના સ્માર્ટ ચશ્મા માટે અન્ય ઘણા ફીચર્સની પણ જાહેરાત કરી છે. જેમાં ડિસ્પ્લે રેકોર્ડિંગ અને એક્સપાન્ડેડ લાઈવ કેપ્શન સપોર્ટની સાથે નેવિગેશનને પણ બહેતર બનાવવામાં આવ્યું છે. આમાંથી કેટલાક ફીચર્સ પહેલા લિમિટેડ અર્લી એક્સેસમાં ઓફર કરવામાં આવી રહ્યા હતા. ખરેખર, મેટા ઈચ્છે છે કે ડેઈલી લાઈફ માટે તેનું ગેજેટ વધુ ઉપયોગી લાગે. આ ઉપરાંત સ્માર્ટ ચશ્માના સેગમેન્ટમાં વધી રહેલી સ્પર્ધા પણ મેટાને નવા ફીચર્સ લાવવા માટે મજબૂર કરી રહી છે. હાલમાં મેટા આ સેગમેન્ટમાં સૌથી આગળ છે, પરંતુ સેમસંગ, એપલ અને ગૂગલ પણ એન્ટ્રી કરવા માટે તૈયાર છે. સેમસંગ આગામી થોડા દિવસોમાં ગેલેક્સી સ્માર્ટગ્લાસિસ લોન્ચ કરી શકે છે, તો ગૂગલ અને એપલ પણ આ વર્ષે પોતાના સ્માર્ટ ચશ્મા લાવવાની તૈયારીમાં વ્યસ્ત છે.

આ પણ વાંચો

હવે તમારી આદત પ્રમાણે આપમેળે ચાલશે ફોન, Android માં આવી રહ્યું છે ધાંસુ ફિચર

AI સિસ્ટમ બનશે વધુ પાવરફૂલ, બતાવ્યા વિના જ સમજી લેશે યૂઝરની જરૂર