(Source: ECI/ABP News)
જો તમે પણ Google Maps યૂઝ કરતા હોય તો બહુ કામની છે આ ટીપ્સ, ડેસ્ટિનેશન પર ઝડપી પહોંચાડવામાં કરશે મદદ
Google Maps નો ઉપયોગ કરવો ખૂબ જ સરળ છે. તે ફક્ત દિશા નિર્દેશો જ નહીં પરંતુ તમને એ પણ જણાવે છે કે કયા રૂટ તમને તમારા ગંતવ્ય સ્થાન પર ઝડપથી પહોંચવામાં મદદ કરશે. આજે, અમે તેનો ઉપયોગ કરવા માટેની કેટલીક ટિપ્સ શેર કરવા જઈ રહ્યા છીએ.
Google Maps: નવા રસ્તાઓની વાત હોય કે અજાણ્યા શહેરમાં ક્યાંય જવાનું હોય, ગૂગલ મેપ્સ ઘણી જગ્યાએ તમારી મદદ કરી શકે છે. હવે મોટાભાગના લોકો રસ્તે ચાલતા લોકોને રસ્તો પૂછવાને બદલે ગૂગલ મેપ્સમાં જોઈને તરત જ ડેસ્ટિનેશન પર પહોંચી જાય છે. ગૂગલ મેપ્સ સૌથી શોર્ટ રૂટથી લઈને ટોલ અને હવામાન સુધીની તમામ માહિતી આપી દે છે. આજે અમે તમને કેટલીક એવી ટિપ્સ જણાવવા જઈ રહ્યા છીએ, જેનો ઉપયોગ કરવાથી ગૂગલ મેપ્સ વધુ ઉપયોગી બનશે અને તમારી મુસાફરી પણ સરળ થશે.
ઘરથી નીકળતા પહેલા જ જોઈ લો ટ્રાફિક
જો તમારા શહેરમાં ટ્રાફિક જામની સમસ્યા હોય, તો તમે ઘરથી નીકળતા પહેલા જ તમારા રસ્તા પર ટ્રાફિકની સ્થિતિ જોઈ શકો છો. આ માટે ગૂગલ મેપ્સ ઓપન કરી ટ્રાફિક લેયર (Traffic Layer) ઓન કરી લો. ત્યારબાદ જો તમને રસ્તા પર રેડ (લાલ) રંગ દેખાય તો સમજી જવું કે જામ છે, જ્યારે ગ્રીન (લીલો) રંગનો અર્થ છે કે રસ્તો એકદમ સાફ છે.
ઇનકોગ્નિટો મોડ પણ આવશે કામ
જો તમે ઇનકોગ્નિટો મોડ (Incognito Mode) નો ઉપયોગ કરો છો, તો ગૂગલ મેપ્સ તમારી સર્ચ અને રસ્તાને એકાઉન્ટ હિસ્ટ્રીમાં સેવ કરશે નહીં. તેને ઓન કરવા માટે પ્રોફાઇલ પિક્ચર પર ટેપ કરો અને ઇનકોગ્નિટો મોડ ઓન કરી લો.
પિન ડ્રોપ કરવા માટે કરો લોન્ગ પ્રેસ
જો તમે મેપ પર કોઈ પણ લોકેશનને પિન કરવા માંગતા હોવ, તો તેને સિલેક્ટ કરી લોન્ગ પ્રેસ (Long Press) કરો. અહીંથી તમે આ લોકેશનને શેર કે સેવ કરી શકો છો. એકવાર લોકેશન પિન થયા પછી તમારે દરેક વખતે તેનું એડ્રેસ નાખવું પડશે નહીં.
ઓફલાઇન મેપ
જો તમે એવા રસ્તાઓ પર જવા માંગતા હોવ જ્યાં મોબાઈલ નેટવર્કની સમસ્યા હોઈ શકે છે, તો તમે ગૂગલ મેપ્સનું ઓફલાઇન વર્ઝન પણ ડાઉનલોડ કરી શકો છો. આ વર્ઝનમાં ઇન્ટરનેટની જરૂર પડતી નથી. ઓફલાઇન મેપ્સ ડાઉનલોડ કરવા માટે મેપ્સ ઓપન કરી તમારી પ્રોફાઇલ પિક્ચર પર ટેપ કરો. અહીં તમને ઓફલાઇન મેપ્સનો ઓપ્શન દેખાશે. અહીંથી તમે તમારી જરૂરિયાત મુજબ એરિયાને કવર કરી શકો છો.
ટોપ સ્ટોરી
ટ્રેન્ડિંગ સમાચાર
