![ABP Premium](https://cdn.abplive.com/imagebank/Premium-ad-Icon.png)
WhatsApp Update: વોટ્સએપ પર આવ્યું શાનદાર ફિચર, હવે તમે ઇચ્છશો તે વ્યક્તિ જ પ્રોફાઇલ ફોટો જોઇ શકશે
હવે તમે આ પ્લેટફોર્મ પર મોટી ફાઇલો ટ્રાન્સફર કરી શકો છો. આવા તમામ નવા ફીચર્સ વોટ્સએપ પર આવી ગયા છે.
![WhatsApp Update: વોટ્સએપ પર આવ્યું શાનદાર ફિચર, હવે તમે ઇચ્છશો તે વ્યક્તિ જ પ્રોફાઇલ ફોટો જોઇ શકશે WhatsApp privacy: Now select who can see your Profile Photo, About, and Last Seen status from contact list WhatsApp Update: વોટ્સએપ પર આવ્યું શાનદાર ફિચર, હવે તમે ઇચ્છશો તે વ્યક્તિ જ પ્રોફાઇલ ફોટો જોઇ શકશે](https://feeds.abplive.com/onecms/images/uploaded-images/2022/06/16/44393fd2221612dbbd9f7bbbabe933d5_original.jpg?impolicy=abp_cdn&imwidth=1200&height=675)
ઇન્સ્ટન્ટ મેસેજિંગ પ્લેટફોર્મ WhatsApp સતત નવા ફીચર્સ એડ કરી રહ્યું છે. એપમાં તાજેતરમાં જ એન્ડ્રોઈડથી આઈઓએસમાં ચેટ બેકઅપની સુવિધા ઉમેરવામાં આવી છે. આ સિવાય ગ્રુપ મેમ્બર્સની મર્યાદા પણ વધારવામાં આવી છે. હવે તમે આ પ્લેટફોર્મ પર મોટી ફાઇલો ટ્રાન્સફર કરી શકો છો. આવા તમામ નવા ફીચર્સ વોટ્સએપ પર આવી ગયા છે.
એપ પર પ્રાઈવસી સંબંધિત એક ફીચર આવ્યું છે, જેની લોકો ઘણા સમયથી રાહ જોઈ રહ્યા હતા. હવે તમે નક્કી કરી શકશો કે તમારું પ્રોફાઈલ પિક્ચર ,અબાઉટ અને લાસ્ટ સીન કોણ જોઇ શકશે.
આના પર પણ તમને સ્ટેટસની જેમ એક નવો વિકલ્પ મળ્યો છે, જેની મદદથી તમે નક્કી કરી શકશો કે તમારા કોન્ટેક્ટમાંથી કોણ પ્રોફાઇલ ફોટો જોઇ શકશે નહીં. આવો જાણીએ WhatsAppના લેટેસ્ટ ફીચરની વિગતો.
નવી સુવિધા શું છે?
અત્યાર સુધી WhatsApp પર તમને પ્રોફાઇલ ફોટો, લાસ્ટ સીન અને અબાઉટ માટે ત્રણ વિકલ્પો મળતા હતા. પ્રાઇવેસી સેટિંગમાં તમે આ સુવિધાઓ માટે Everyone, My Contacts અને Nobody વિકલ્પનો ઉપયોગ કરી શકતા હતા. હવે આમાં ચોથો વિકલ્પ ઉમેરવામાં આવ્યો છે જે My Contacts Except છે. એટલે કે, હવે યુઝર્સના કંન્ટ્રોલમાં હશે તે તેમનો પ્રોફાઈલ ફોટો, લાસ્ટ સીન, અબાઉટ કોણ જોઈ શકે છે આ ફીચર એન્ડ્રોઇડ અને iOS બંને યુઝર્સ માટે રિલીઝ કરવામાં આવ્યું છે.
આ રીતે તમે સેટ કરી શકો છો
જો તમે એન્ડ્રોઇડ યુઝર છો, તો તમારે આ ફીચરનો ઉપયોગ કરવા માટે કેટલાક સ્ટેપ્સ ફોલો કરવા પડશે. સૌથી પહેલા તમારે WhatsApp ઓપન કરવાનું રહેશે. અહીં તમારે More options > Settings > Account > Privacy પર જવું પડશે. હવે તમને પ્રોફાઈલ ફોટોથી લઈને છેલ્લે જોવાયા સુધી દરેક ફીચર માટે ચાર વિકલ્પો મળશે.
બીજી બાજુ, જો તમે iOS વપરાશકર્તા છો, તો તમારે More options > Settings > Account > Privacy પર જવું પડશે. આ પછી તમને પ્રોફાઇલ ફોટો, લાસ્ટ સીન, અબાઉટ, સ્ટેટસ જેવા ઓપ્શન્સ મળશે. અહીંથી તમે નક્કી કરી શકો છો કે તમારી પ્રોફાઇલ પિક્ચર કોણ જોઈ શકે છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)