Window AC Vs Desert Air Cooler: કયો વિકલ્પ તમારા માટે શ્રેષ્ઠ? જાણો કિંમત અને ફીચર્સ વચ્ચેનો તફાવત

Window AC Vs Desert Air Cooler: આ બંને ઉપકરણો ગરમીથી રાહત આપવામાં ઉપયોગી સાબિત થઈ શકે છે. જો કે, કિંમત અને સંચાલન ખર્ચની દ્રષ્ટિએ બંને વચ્ચે નોંધપાત્ર તફાવત છે.

Window AC Vs Desert Air Cooler

Source : social nedia

Show Quick Read

Key points generated by AI, verified by newsroom

• ગરમીમાં રાહત માટે AC અને કૂલર, બજેટ પ્રમાણે પસંદગી.
• AC રેફ્રિજરેશનથી ઠંડક આપે, કૂલર પાણીથી હવા ઠંડી કરે.
• AC વધુ ખર્ચાળ, કૂલર ઓછી કિંમત અને વીજળી બચાવે.
• AC માં જાળવણી વધુ, કૂલરમાં સરળ ઉપયોગ અને ઓછી દેખભાળ.

Window AC Vs Desert Air Cooler: દેશના મોટાભાગના વિસ્તારોમાં ગરમીનો પ્રકોપ ચાલુ છે. પારો 45 ડિગ્રીને પાર કરી ગયો છે. આવી ગરમીમાં સીલિંગ ફેન નિષ્ફળ સાબિત થયા છે અને રાહત મેળવવા માટે હવે AC અને કૂલર જરૂરી બની ગયા છે. જો તમારું બજેટ ઓછું હોય તો તમે ડેઝર્ટ કૂલર ખરીદી શકો છો, જ્યારે જો તમે વધુ ખર્ચ કરવા તૈયાર હોવ તો વિન્ડો એસી પણ એક સારો વિકલ્પ બની શકે છે. બંનેના પોતાના ફાયદા અને ગેરફાયદા છે. આજે અમે તમને આ બંનેની કિંમત, ઓપરેટિંગ કોસ્ટ અને કામ કરવાની રીત વગેરે વિશે તમામ માહિતી આપવા જઈ રહ્યા છીએ.

 

Window AC Vs Desert Air Cooler: કામ કરવાની રીત

સ્પ્લિટ એસીની જેમ વિન્ડો એસી પણ રેફ્રિજરેશન સિસ્ટમથી રૂમ ઠંડો કરે છે. તે રૂમની ગરમ હવાને ખેંચીને બહાર કાઢી નાખે છે, જ્યારે રૂમમાં ઠંડી હવા ફેંકે છે. આનાથી થોડી જ મિનિટોમાં રૂમ ઠંડો થઈ જાય છે. બીજી તરફ કૂલરની વાત કરીએ તો, તે પાણીની મદદથી ઠંડી હવા આપે છે. તે પોતાની આસપાસની ગરમ હવાને ખેંચે છે અને તેને પાણીથી ભીના કૂલિંગ પેડ્સ દ્વારા ઠંડી કરી રૂમમાં ફેંકે છે. આ બંનેને વિન્ડોમાં લગાવી શકાય છે. એસીથી ઠંડક મેળવવા માટે રૂમ સંપૂર્ણપણે બંધ રાખવો પડશે, જ્યારે કૂલર માટે વેન્ટિલેશન જરૂરી છે.આ પણ

Window AC Vs Desert Air Cooler: કયો વિકલ્પ વધુ સસ્તો?

વિન્ડો એસી ખરીદવા માટે તમારે વધુ પૈસા ખર્ચવા પડશે અને તેનો રનિંગ કોસ્ટ (ચલાવવાનો ખર્ચ) પણ વધુ છે. વિન્ડો એસીની કિંમત 25,000-40,000 રૂપિયાની વચ્ચે છે. આ ઉપરાંત જો તમે તેનો નિયમિત ઉપયોગ કરો છો, તો તમારું વીજળીનું બિલ 3,000-5,000 રૂપિયા સુધી વધી શકે છે. બીજી તરફ કૂલરની કિંમત ઓછી છે. માર્કેટમાં 8,000-15,000 રૂપિયા સુધી સારા કૂલર મળી જશે અને તે વીજળીના બિલ પર પણ ખાસ અસર પાડતા નથી.

વિન્ડો એસીમાં જાળવણીની માથાકૂટ વધુ

વિન્ડો એસી ઇન્સ્ટોલ કર્યા પછી તેની જાળવણીની માથાકૂટ ઘણી છે. દરેક સીઝનમાં તેની સર્વિસની જરૂર પડે છે, તેમજ વારંવાર એર ફિલ્ટર સાફ કરવા પડે છે. આ ઉપરાંત ગેસ રિફિલિંગ વગેરેનું પણ ધ્યાન રાખવું પડે છે. જ્યારે કૂલરના કિસ્સામાં આવી કોઈ માથાકૂટ નથી. માર્કેટમાંથી લાવ્યા પછી તેને માત્ર પ્લગ-ઇન કરવાની જરૂર હોય છે. તેની નિયમિત સર્વિસની પણ જરૂર પડતી નથી અને કૂલિંગ પેડ પણ આરામથી ઓછામાં ઓછી એક સીઝન ચાલી જાય છે.

આ પણ વાંચો

Google હવે 15GB ફ્રી સ્ટૉરેજ માટે કેમ માંગી રહ્યું છે મોબાઇલ નંબર ? પહેલા સમજો પુરેપુરી વાત

New Aadhaar App: mAadhaar એપ થશે બંધ, જાણો નવા આધાર એપમાં કેવી રીતે કરશો રજિસ્ટ્રેશન