HP એ ભારતમાં AI ફીચર સાથે બે આકર્ષક લેપટોપ લોન્ચ કર્યા, એક જ ચાર્જમાં મળશે 26 કલાક સુધીનો બેટરી બેકઅપ
HP એ ભારતમાં બે નવા AI- સક્ષમ લેપટોપ, HP EliteBook Ultra અને HP OmniBook X લોન્ચ કર્યા છે. બંને લેપટોપમાં પર્સનલ AI આસિસ્ટન્ટ ફીચર અને ડેડિકેટેડ ન્યુરલ પ્રોસેસિંગ યુનિટ છે.
HP Launched New Laptops : ભારતમાં, HP એ AI સુવિધાઓથી સજ્જ બે નવા લેપટોપ લોન્ચ કર્યા છે, જેમાં HP EliteBook Ultra અને HP OmniBook Xનો સમાવેશ થાય છે. આ બંને લેપટોપમાં પર્સનલ AI આસિસ્ટન્ટ ફીચર આપવામાં આવ્યું છે. આ સિવાય તેમાં એક સમર્પિત ન્યુરલ પ્રોસેસિંગ યુનિટ પણ આપવામાં આવ્યું છે. કંપનીએ આ બંને લેપટોપ બિઝનેસ અને રિટેલ ગ્રાહકો માટે લોન્ચ કર્યા છે. આ સાથે બંને લેપટોપમાં ટચસ્ક્રીન ડિસ્પ્લે પણ આપવામાં આવી છે. તો ચાલો જાણીએ તેમની કિંમત અને પ્રોસેસર વિશે.
HP OmniBook X
અહી તમને આ HP લેપટોપમાં 2.2K રિઝોલ્યુશન સાથે 14 ઇંચની સ્ક્રીન મળવાની છે. અને તેના સિવાય આ લેપટોપમાં Qualcomm Snapdragon X Elite X1E પ્રોસેસર જોવા મળશે. આગળ વાત કરીએતો સ્ટોરેજ માટે, તેમાં તમને 16GB LPDDR5X RAM અને 1TB સુધી SSD માટે સપોર્ટ પણ આપવામાં આવે છે. તેમાં 65W USB Type C ફાસ્ટ ચાર્જિંગ સાથે 59Whની બેટરી હશે.આ બંને લેપટોપમાં પર્સનલ AI આસિસ્ટન્ટ ફીચર આપવામાં આવ્યું છે. આ સિવાય તેમાં એક સમર્પિત ન્યુરલ પ્રોસેસિંગ યુનિટ પણ આપવામાં આવ્યું છે.
HP EliteBook Ultra
સૌ પ્રથમ વાત કરીએ EliteBook Ultra વિશે. તેમાં 2.2K પિક્સેલ રિઝોલ્યુશન સાથે 14-ઇંચની ટચસ્ક્રીન IPS ડિસ્પ્લે છે. પ્રોસેસરની વાત કરીએ તો તેમાં Qualcomm Snapdragon X Elite X1E-78-100 છે. આ સાથે AI ફીચરને સપોર્ટ કરવા માટે તેમાં Qualcomm Hexagon NPU પણ આપવામાં આવ્યું છે. સ્ટોરેજ માટે, તેમાં 32GB LPDDR5X RAM અને 1TB સુધી SSD સપોર્ટ છે. EliteBook Ultraમાં ગ્રાફિક્સ માટે Qualcomm Adreno GPU આપવામાં આવ્યું છે. 65W USB Type C ફાસ્ટ ચાર્જિંગ સાથે 59Whની બેટરી આપવામાં આવી છે. આ લેપટોપ HP OmniBook X કરતાં વધારે ફીચર્સ ધરાવે છે.
જાણો આ બંને લેપટોપની કિંમત
HP EliteBook Ultraની કિંમત 1,69,934 રૂપિયાથી શરૂ થાય છે. કલર ઓપ્શનની વાત કરીએ તો તેમાં એટમોસ્ફેરીક બ્લુ શેડ મળશે. તો HP OmniBook Xની કિંમત 1,39,999 રૂપિયાથી શરૂ થાય છે. આમાં યુઝર્સને Meteor સિલ્વર કલર ઓપ્શન મળશે. આ સિવાય બંને લેપટોપમાં HP AI Companion, Copilot+, Poly Camera Pro જેવા એડવાન્સ્ડ AI ફીચર્સ પણ આપવામાં આવ્યા છે.
ટોપ સ્ટોરી
ટ્રેન્ડિંગ સમાચાર
