Portable vs Window AC: ગરમીમાં કયું AC ખરીદવાથી વીજળીનું બિલ ઓછું આવશે? જાણો કયું છે બેસ્ટ

portable vs window ac power consumption: જો તમે નવું AC ખરીદવાનું વિચારી રહ્યા છો, તો જાણી લો પોર્ટેબલ અને વિન્ડો AC વચ્ચેનો મોટો તફાવત. કિંમત, અવાજ અને કૂલિંગમાં કોણ છે આગળ?

portable vs window ac which consumes less electricity power bill tips

Source : ai

Show Quick Read

Key points generated by AI, verified by newsroom

• પોર્ટેબલ AC ફેરવી શકાય છે, વિન્ડો AC બારીમાં ફિટ થાય છે.
• ઝડપી ઠંડક અને વીજળી બચત માટે વિન્ડો AC શ્રેષ્ઠ.
• પોર્ટેબલ AC વધુ અવાજ કરે, પાણી ખાલી કરવું પડે.
• ભાડુઆત માટે પોર્ટેબલ AC સરળ, કાયમી ફિટિંગની જરૂર નથી.

portable vs window ac power consumption: કાળઝાળ ગરમીની શરૂઆત થતાં જ લોકો ઘરોમાં ઠંડક મેળવવા માટે AC ખરીદવાની દોડધામ શરૂ કરી દે છે. બજારમાં અત્યારે સ્પ્લિટ AC ઉપરાંત વિન્ડો AC અને પોર્ટેબલ AC ના પણ ઘણા વિકલ્પો ઉપલબ્ધ છે. જોકે, નવું AC ખરીદતી વખતે મોટાભાગના લોકો મૂંઝવણમાં મુકાઈ જાય છે કે કયું AC તેમના રૂમ માટે બેસ્ટ રહેશે અને શેમાં વીજળીનું બિલ ઓછું આવશે. જો તમે પણ આવી જ મૂંઝવણમાં છો, તો આ સમાચાર તમારા માટે છે. આજે આપણે પોર્ટેબલ AC અને વિન્ડો AC વચ્ચેના મુખ્ય તફાવત, તેમની જાળવણી અને વીજળીના વપરાશ વિશે વિગતવાર સમજીશું, જેથી તમે તમારા માટે યોગ્ય નિર્ણય લઈ શકો.

પોર્ટેબલ AC શું છે અને તેના શું ફાયદા છે?

પોર્ટેબલ AC એક એવું ડિવાઇસ છે જેને તમે વ્હીલ્સ (પૈડાં) ની મદદથી ઘરના કોઈપણ રૂમમાં આરામથી ફેરવી શકો છો. આ AC ને દિવાલમાં કે બારીમાં કાયમી ફિટિંગ (Installation) કરવાની કોઈ જરૂર પડતી નથી. આમાં માત્ર એક વેન્ટિલેશન પાઇપ હોય છે, જેને બારીની બહાર રાખીને રૂમની ગરમ હવા બહાર ફેંકવામાં આવે છે. જે લોકો ભાડાના મકાનમાં રહે છે અને વારંવાર ઘર બદલવું પડે છે, તેમના માટે આ AC ખૂબ જ આશીર્વાદરૂપ સાબિત થાય છે.

વિન્ડો AC કેવી રીતે અલગ પડે છે?

બીજી તરફ, વિન્ડો AC ને રૂમની બારીમાં અથવા દિવાલમાં ખાસ જગ્યા બનાવીને ફિક્સ કરવામાં આવે છે. આ AC ના તમામ ભાગો (કોમ્પોનન્ટ્સ) એક જ બોક્સની અંદર ફિટ થયેલા હોય છે. આને ઇન્સ્ટોલ કરવા માટે તમારે કોઈ પ્રોફેશનલ કારીગરની મદદ લેવી પડે છે અને તેને એક જગ્યાએથી બીજી જગ્યાએ વારંવાર ખસેડવું મુશ્કેલ હોય છે.

બંનેમાંથી કયું AC વીજળી બિલ બચાવશે?

જો તમારો મુખ્ય ટાર્ગેટ વીજળીના બિલમાં બચત કરવાનો છે, તો વિન્ડો AC તમારા માટે શ્રેષ્ઠ વિકલ્પ છે. વિન્ડો AC પોર્ટેબલ AC ની સરખામણીમાં વધુ એનર્જી એફિશિયન્ટ (Energy Efficient) હોય છે અને રૂમને ઝડપથી ઠંડો કરે છે, જેથી વીજળીનો વપરાશ ઓછો થાય છે. બીજી તરફ, જો તમારા રૂમમાં બારી જ ન હોય અથવા કાયમી ફિટિંગની જગ્યા ન હોય, તો જ તમારે પોર્ટેબલ AC તરફ જવું જોઈએ.

આ પણ વાંચોઃ શું કારમાં ફૂલ AC ચલાવવાથી માઈલેજ ઘટે છે? જાણો ઇંધણ બચાવવાની સ્માર્ટ અને સરળ રીતો

અવાજ અને મેન્ટેનન્સમાં મોટો તફાવત

આ બંને AC ના અવાજ અને જાળવણી (Maintenance) માં પણ ઘણો ફરક જોવા મળે છે:

અવાજ (Noise): વિન્ડો AC નું મેઈન કોમ્પ્રેસર બારીની બહારની તરફ રહે છે, જેના કારણે રૂમની અંદર અવાજ ખૂબ જ ઓછો આવે છે. જ્યારે પોર્ટેબલ AC આખેઆખું રૂમની અંદર જ રહેતું હોવાથી, તેનું કોમ્પ્રેસર ચાલુ થાય ત્યારે વિન્ડો AC કરતા વધુ અવાજ કરે છે.

પાણીનો નિકાલ (Water Drainage): વિન્ડો AC માંથી નીકળતું પાણી પાછળની પાઇપ દ્વારા આપોઆપ બહાર વહી જાય છે. પરંતુ, પોર્ટેબલ AC ની અંદર એક નાની પાણીની ટાંકી હોય છે, જેને તમારે થોડા-થોડા સમયે જાતે ખાલી કરવી પડે છે, જે થોડું ઝંઝટભર્યું કામ છે.

આ પણ વાંચોઃ સાવધાન! કલાકો સુધી AC માં બેસવાની આદત શરીરને કરે છે ખોખલું; ડોક્ટરોએ આપી મોટી ચેતવણી