4 વર્ષના ડેટાથી સમજો, ભારતમાં કેટલામાં મળશે iPhone 18 Pro Max?
$1,299 વાળા iPhone 18 Pro Maxની ભારતમાં કિંમત કેટલી હોઈ શકે? છેલ્લા 4 વર્ષના iPhoneના લોન્ચ પ્રાઇસ અને ભારતીય કિંમતોના આંકડાઓ પરથી સંભવિત કિંમત અને ભાવવધારો સમજો.
Appleએ iPhone 18 Pro Maxને અમેરિકામાં 1,299 ડોલરની શરૂઆતની કિંમત સાથે લોન્ચ કર્યો છે. આ કિંમત ગયા વર્ષના iPhone 17 Pro Maxની સરખામણીએ 100 ડોલર વધારે છે. આવી સ્થિતિમાં ભારતીય ગ્રાહકોના મનમાં સૌથી મોટો સવાલ એ છે કે ભારતમાં આ ફોનની કિંમત કેટલી હશે? છેલ્લા ચાર વર્ષમાં iPhone Pro Maxની અમેરિકા અને ભારતની લોન્ચ કિંમત પર નજર કરીએ તો એક રસપ્રદ પેટર્ન જોવા મળે છે.
ચાર વર્ષમાં અમેરિકા અને ભારતની કિંમતમાં કેટલો તફાવત?
જો 2022થી 2025 સુધીના આંકડાઓ પર નજર કરીએ તો iPhone Pro Maxની અમેરિકાની શરૂઆતની કિંમત અને ભારતની કિંમત વચ્ચે સારો એવો તફાવત રહ્યો છે.
2022: iPhone 14 Pro Maxની અમેરિકામાં કિંમત 1,099 ડોલર હતી, જ્યારે ભારતમાં તેની શરૂઆતની કિંમત 1,39,900 રૂપિયા હતી.
2023: Appleએ iPhone 15 Pro Maxની અમેરિકાની કિંમત 1,199 ડોલર રાખી હતી. ભારતમાં તેનું 256GB મોડલ 1,59,900 રૂપિયામાં લોન્ચ થયું હતું.
2024: iPhone 16 Pro Maxની અમેરિકાની કિંમત 1,199 ડોલર જ રહી હતી, પરંતુ ભારતમાં તેની શરૂઆતની કિંમત ઘટીને 1,44,900 રૂપિયા થઈ હતી. આ કિંમત 256GB મોડલ માટે હતી.
2025: iPhone 17 Pro Maxની અમેરિકાની કિંમત ફરી 1,199 ડોલર રહી હતી, જ્યારે ભારતમાં તેની શરૂઆતની કિંમત 1,49,900 રૂપિયા હતી.
એટલે કે છેલ્લા ચાર વર્ષમાં ભારતમાં Pro Maxની શરૂઆતની કિંમત 1,39,900 રૂપિયાથી વધીને 1,49,900 રૂપિયા સુધી પહોંચી છે. જોકે, 2024માં કિંમતમાં ઘટાડો પણ જોવા મળ્યો હતો.
હવે 1,299 ડોલરની કિંમતથી કેટલો વધશે ભાવ?
iPhone 18 Pro Max માટે સ્થિતિ થોડી અલગ છે. આ વખતે અમેરિકામાં જ Appleએ તેની કિંમતમાં 100 ડોલરનો વધારો કરીને તેને 1,299 ડોલર કરી છે. એટલે માત્ર ડોલરની કિંમતમાં જ ફેરફાર થયો નથી, પરંતુ તેની અસર ભારતમાં પણ જોવા મળી શકે છે.
જો પાછલા વર્ષોમાં અમેરિકા અને ભારત વચ્ચેના ભાવ તફાવતને આધાર તરીકે લેવામાં આવે, તો $1,299 ના iPhone 18 Pro Max ની ભારતીય શરૂઆતની કિંમત લગભગ રૂ. 1,64,900 થી રૂ. 1,69,900 હોઈ શકે છે.
વધુમાં, ભારતમાં iPhone 17 Pro Max ની શરૂઆત ₹149,900 થી થઈ હતી. જો Apple યુએસ કિંમતમાં $100 ના વધારાનો નોંધપાત્ર ભાગ ભારતીય કિંમતમાં ઉમેરે છે, તો લગભગ ₹10,000 થી ₹15,000 નો વધારો શક્ય છે. પરિણામે, કિંમત ₹159,900 થી ₹164,900 ની આસપાસ પહોંચી શકે છે.
1.7 લાખ રૂપિયા સુધી જઈ શકે છે શરૂઆતનો ભાવ
જોકે, ટેક્સ, કરન્સી એક્સચેન્જ રેટ, ભારતમાં Appleની પ્રાઇસિંગ સ્ટ્રેટેજી તેમજ ઇમ્પોર્ટ અને લોકલ મેન્યુફેક્ચરિંગ જેવા અનેક કારણો ડિવાઇસની અંતિમ કિંમત પર અસર કરી શકે છે.
રસપ્રદ વાત એ છે કે લોન્ચ પહેલાં કેટલાક રિપોર્ટ્સમાં iPhone 18 Pro Maxની ભારતમાં કિંમત આશરે 1,59,900 રૂપિયા હોવાનું જણાવવામાં આવ્યું હતું. જ્યારે કેટલાક અંદાજોમાં તેની કિંમત 1,69,900 રૂપિયા સુધી જવાની શક્યતા વ્યક્ત કરવામાં આવી હતી.
ભારતમાં કેટલી વધી શકે છે કિંમત?
જો છેલ્લા ચાર વર્ષના ટ્રેન્ડ અને આ વર્ષે અમેરિકામાં થયેલા 100 ડોલરના ભાવવધારાને સાથે રાખીને જોવામાં આવે તો iPhone 18 Pro Maxની ભારતમાં શરૂઆતની કિંમત આશરે 1.60 લાખથી 1.70 લાખ રૂપિયા વચ્ચે હોઈ શકે છે.
એટલે કે iPhone 17 Pro Maxની 1,49,900 રૂપિયાની શરૂઆતની કિંમતની સરખામણીએ આ વખતે આશરે 10,000થી 20,000 રૂપિયા સુધીનો વધારો જોવા મળી શકે છે.
આનો અર્થ એ થયો કે, ભારતીય ગ્રાહકોએ આ વખતે Pro Max ખરીદવા માટે અગાઉની સરખામણીએ વધુ બજેટ રાખવું પડી શકે છે. જ્યારે 512GB અને 1TB જેવા વધુ સ્ટોરેજ વેરિઅન્ટ્સની કિંમત આના કરતાં પણ ઘણી વધારે હોઈ શકે છે.
ટોપ સ્ટોરી
ટ્રેન્ડિંગ સમાચાર
