AI Impact on Privacy: સોશિયલ મીડિયા પર ધડાધડ ફોટો શેર કરવા AI યુગમાં સાબિત થઈ શકે છે ખતરનાક, દરેક માતા-પિતા જરૂર જોવો આ Video

AI Impact on Privacy: સોશિયલ મીડિયા પર એક વીડિયો વાયરલ થઈ રહ્યો છે, જેના પર લોકો જોરદાર ચર્ચા કરી રહ્યા છે. આ વીડિયો AI સાથે સંબંધિત છે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

AI privacy Concerns: ભલે આપણે ઘરની અંદર ગમે તેમ રહીએ, પણ દરેક વ્યક્તિ સોશિયલ મીડિયા પર સુંદર અને આકર્ષક દેખાવા માંગે છે. એકબીજાને જોઈને, લોકો આજે સોશિયલ મીડિયા પર તેમની બધી વસ્તુઓ પોસ્ટ કરે છે. જો કોઈ વ્યક્તિ સોશિયલ મીડિયાથી દૂર રહે છે, તો લોકો તેને આના આધારે જજ કરવા લાગે છે અને અલગ-અલગ વાતો કરે છે. માતા-પિતા હોય, બાળકો હોય, સંબંધીઓ હોય કે અન્ય કોઈ હોય, આજે દરેક વ્યક્તિ સોશિયલ મીડિયા પર પોતાની હાજરી નોંધાવવા માંગે છે અને પ્રાઈવસી શબ્દ ભૂલી ગયા છે. 10 વર્ષ પહેલા જે કન્ટેન્ટને ખાનગી કહેવામાં આવતું હતું તે આજે કોમન બની ગયું છે.

AI ના જેટલા ફાયદા છે તેટલા ગેરફાયદા પણ છે

આ બધી બાબતો અમે તમને એટલા માટે જણાવી રહ્યા છીએ કારણ કે સોશિયલ મીડિયા પર એક વીડિયો વાયરલ થઈ રહ્યો છે, જેના પર લોકો જોરદાર ચર્ચા કરી રહ્યા છે. આ વીડિયો AI સાથે સંબંધિત છે. આ વીડિયોમાં AIની મદદથી નાની બાળકીની તસવીર બદલવામાં આવી છે અને તેને કઈ જગ્યાએ કઈ રીતે વાપરી શકાય છે તે જણાવવામાં આવ્યું છે. આ લેખ લખવાનો અમારો હેતુ એકદમ સ્પષ્ટ છે કે તમે બધાએ આ ડિજિટલ યુગમાં તમારી ગોપનીયતાને સમજવી જોઈએ અને ઓછામાં ઓછા સોશિયલ મીડિયા પર વ્યક્તિગત તસવીરો પોસ્ટ ન કરો, કારણ કે આજકાલ તેમની મદદથી કૌભાંડો અને ગુનાઓ આચરવામાં આવે છે. એક જાગૃત નાગરિક તરીકે તમારી પ્રાઈવસી સમજો અને બીજાની ગોપનીયતાનું પણ ધ્યાન રાખો.

Please watch this video…Before you post another pic of your kids on social media.

They will thank you later. pic.twitter.com/CA1nr3ApYW

— Arun Bothra 🇮🇳 (@arunbothra) July 10, 2023

ચેટ GPT પછી AIએ પણ પકડી સ્પીડ

ગયા વર્ષે ઓપન એઆઈએ ચેટ જીપીટી લોન્ચ કરી હતી. આ એક AI ટૂલ છે. આ પછી બજારમાં ડઝનબંધ AI ટૂલ્સ આવી ગયા છે જે સરળતાથી ફોટો, વીડિયો અને વૉઇસ કન્વર્ટ કરી શકે છે. AI ની મદદથી, તમે સોશિયલ મીડિયા પર પોસ્ટ કરો છો તે દરેક ક્ષણ તમારા માટે જોખમી બની શકે છે. AIના જેટલા ફાયદા છે એટલા ગેરફાયદા પણ છે. વિશ્વભરની સરકારો AI પર કાયદો બનાવવા અંગે ચર્ચા કરી રહી છે. કારણ કે જો સમયસર કાયદો બનાવવામાં ન આવે તો AI આપણા બધાને નુકસાન પહોંચાડી શકે છે.

નોંધઃ અમારો હેતુ એઆઈને ખોટો સાબિત કરવાનો નથી. અમારો ઉદ્દેશ્ય તમને સજાગ અને સતર્ક રાખવાનો છે. જો AIનો યોગ્ય રીતે ઉપયોગ કરવામાં આવે તો તે આપણી જીવનશૈલી બદલી શકે છે અને ઘણા કાર્યોને સરળ બનાવી શકે છે.