વડોદરાઃ ખુલ્લા મેદાનમાં ગાદલા પર સૂતી હતી નગ્ન યુવતી, સાથે હતા ત્રણ દાઢીવાળા પુરૂષો, લોકો પહોંચતાં શું થયું ?

વડોદરાઃ શિનોર તાલુકાના તેરસા ગામે ગૌચરની જગ્યામાં ત્રણ દાઢીવાળા શખ્સો સાથે ગાદલા પર નગ્ન હાલતમાં યુવતી સૂતી હોવાની ઘટનાને લઈને ભારે તર્ક-વિતર્ક સર્જાયા છે. યુવતી પર તાંત્રિક વિધિ કરવામાં આવી કે પછી બળાત્કાર ગુજારી લાશ સગેવગે કરવા માટે આવ્યા તે અંગે ભારે ચર્ચા જાગી છે.

એવી પણ ચર્ચા છે કે, ત્રણ દિવસ પહેલા કુકસમાં એક અજાણ ફોર વ્હીલ ગાડી ચાર-પાંચ કલાક પડી રહી હતી. આ ગાડી અંગે તપાસ કરે તો આ ઘટનાની કડી મળવાની સંભાવનાઓ વ્યક્ત કરવામાં આવી રહી છે. એવી પણ ચર્ચા છે કે, આ ઘટનામાં કોઈ જાણભેદુ હોઇ શકે છે. કારણ કે, આ જગ્યાએ દિવસે પણ જતાં બીક લાગે છે.

આ યુવકને ત્રણેય શખ્સો જોઇ જતાં તેને પકડવાનો પ્રયાસ કર્યો હતો. જોકે, યુવક તેમની પકડમાં આવ્યો નહોતો અને ભાગી છૂટ્યો હતો. આ યુવકે પોતાના મિત્રને બધી વાત કરતાં તેઓ ગામમાં ગયા હતા અને બધાની વાત કરી હતી. આ પછી ચાર-પાંચ યુવનો ધોકા લઈને ત્યાં ગયા હતા, પરંતુ આ શખ્સો ભાગી ગયા હતા.

આ અંગેની વિગતો એવી છે કે, સાધલીથી કુકસ જતા નર્મદા કેનાલનું મકાન આવેલું છે. અહીંથી થોડે દૂર ગૌચરની જગ્યા છે. જ્યાં ત્રણ દિવસ પહેલા આ ખુલ્લી જગ્યામાં બાવા જેવા દેખાતા ત્રણ દાઢીવાળા શખ્સો અને ગાદલા પર સૂતેલી સંપૂર્ણ નગ્ન યુવતીને ગાયો ચરાવતો એક યુવક જોઇ ગયો હતો.

જોકે, આ જગ્યાએ ગાદલું, યુવતીના કપડા, સાડીના લટકણ, બંડી, હિંચકો, પાણીની બોટલો મળી આવી હતી. એટલું જ નહીં, બાજુમાં એક નાનો ખાડો પણ હતો. કોઈ ન હોય યુવકો ગામમાં પરત ફર્યા હતા. બીજા દિવસે માંજરોલના ગામ લોકોએ તપાસ કરતાં ત્યાં કંઇ મળ્યું નહતો. જોકે, આ વાતને લઈને આસપાસના ગામોમાં ભારે ચર્ચા જાગી છે.