વડોદરાઃ ત્રણ વર્ષના સેક્સસંબંધોનો અંત લાવનારી યુવતી સાથે પ્રેમીએ શું કર્યું? જાણો

વડોદરાઃ છેલ્લા 3 વર્ષથી ચાલતા લીવ એન્ડ રિલેશનશિપમાં રહેતી પ્રેમિકાએ પ્રેમી સાથેના સંબંધોનો અંત આણતાં ઉશ્કેરાયેલા પ્રેમીએ પ્રેમિકા પર ફાયરિંગની ઘટનાથી ચકચાર મચી જવા પામી છે. પ્રેમિકાને ડાબા પગમાં ગોળી વાગતા તેને લોહીલુહાણ હાલતમાં વડોદરાની સયાજી હોસ્પિટલમાં ખસેડવામાં આવી હતી. ફાયરિંગ બાદ આરોપી પ્રેમી ફરાર થઇ ગયો છે. તેણે ગોળી મારી ત્યારે પ્રેમિકાના પરિવારજનો પણ હાજર હતા.

શહેરના ન્યુ વીઆઇપી રોડ પર આવેલા સત્યનારાયણ નગરમાં રહેલી રેશમાબેન કેશવરામ રાજભર (ઉં.વ.37)ના 2006માં લગ્ન થયા હતા અને ટૂંક સમયમાં જ છુટાછેડા થયા હતા. રેશમા પોતાની દીકરી નિલમ (ઉં.વ.17) સાથે છેલ્લા 3 વર્ષથી અંકલેશ્વરમાં રહેતા અને કોન્ટ્રાક્ટર તરીકેનો વ્યવસાય કરતા જીતેન્દ્ર સિંહ (ઉં.વ.45) સાથે લીવ એન્ડ રિલેશનમાં રહેતી હતી.