ભાવનગર શહેરમાં ફરી મોતની સવારીનો વીડિયો, ઘેટા બકરાની જેમ દિવ્યાંગ વિદ્યાર્થીઓને રિક્ષામાં બેસાડ્યાનો વીડિયો વાયરલ

ભાવનગર શહેરમાં ફરી એકવાર દિવ્યાંગ વિદ્યાર્થીઓની સુરક્ષાને લઈને સવાલો ઉભા કરતો વીડિયો વાયરલ થયો છે. વીડિયોમાં દિવ્યાંગ બાળકોને રિક્ષામાં ઘેટા-બકરાની જેમ બેસાડવામાં આવ્યા હોવાના દૃશ્યો જોવા મળતા હોવાનો દાવો છે. આ વીડિયો બોરતળાવથી નીલમબાગ તરફના માર્ગનો અને ગઈકાલનો હોવાની ચર્ચા છે. સમગ્ર ઘટનાને પગલે સૌથી મોટો સવાલ એ છે કે આવી રીતે વિદ્યાર્થીઓને જોખમી રીતે લઈ જતી રિક્ષાને કારણે કોઈ અકસ્માત સર્જાય તો તેની જવાબદારી કોની? દિવ્યાંગ બાળકોની સુરક્ષા સાથે થઈ રહેલી આ બેદરકારી સામે ભાવનગર RTO અને ટ્રાફિક પોલીસ ક્યારે કાર્યવાહી કરશે તે પણ સવાલ છે.