Congress Protest: LPG સિલિન્ડર મુદ્દે વિધાનસભા બહાર કૉંગ્રેસનું વિરોધ પ્રદર્શન

મિડલ ઈસ્ટમાં તણાવને લઈને દેશમાં ગેસ સપ્લાયની ચેઈન ખોરવાઈ છે. જેને લઈને કૉંગ્રેસ સંસદથી લઈને સડક સુધી જોરદાર વિરોધ પ્રદર્શન કરી રહી છે.. ગેસ સિલિન્ડરની અછતને લઈને લઈને પ્રદેશ કૉંગ્રેસે વિધાનસભા બહાર જોરદાર વિરોધ પ્રદર્શન કર્યુ. કૉંગ્રેસ ધારાસભ્ય અમિત ચાવડા ખભે સિલિન્ડર લઈને તો તુષાર ચૌધરી માથે લાકડા લઈને વિધાનસભા પહોંચ્યા હતા  અલગ અલગ લખાણ સાથેના પોસ્ટરો સાથે કૉંગ્રેસના ધારાસભ્યોએ વિરોધ પ્રદર્શન કર્યુ. કૉંગ્રેસે આરોપ લગાવ્યો કે ગેસ સપ્લાયની અછતને કારણે સામાન્ય લોકો ભારે મુશ્કેલીમાં મુકાયા છે.. અને સરકાર આ મુદ્દે યોગ્ય પગલા લેવામાં નિષ્ફળ રહી છે.. લોકો ગેસના સિલિન્ડર માટે લાંબી લાઈનો લગાવવા મજબુર બન્યા છે.. જે સરકારની નીતિની નિષ્ફળતા દર્શાવે છે.. ગેસની અછતને લીધે ઉદ્યોગો પર પણ તેની નકારાત્મક અસર પડી રહી છે.. કૉંગ્રેસે સરકારને ગેસ સપ્લાય અને મોંઘવારી મુદ્દે તાત્કાલિક અસરકારક પગલા લેવા માગ કરી.