Gujarat Monsoon: ગુજરાતમાં આજે ક્યાં ક્યાં પડ્યો વરસાદ?

Gujarat Monsoon: ગુજરાતમાં આજે ક્યાં ક્યાં પડ્યો વરસાદ? 

જૂનાગઢ જિલ્લાના વાતાવરણમાં આવ્યો પલટો. આજે સવારે જિલ્લાના મેંદરડા અને માળીયા તાલુકામાં વરસ્યો ઝરમર વરસાદ. ગડુ, શેરગઢ સહિતના ગ્રામ્ય વિસ્તારોમાં ઝરમર વરસાદ વરસતા લોકોને અસહ્ય બફારામાંથી આંશિક રાહત મળી. તો નવસારી શહેરમાં પણ વરસ્યો ઝરમર વરસાદ. સર્કિટ હાઉસ, ડેપો સહિતના વિસ્તારોમાં વરસાદી ઝાપટા વરસ્યા. પવનની સાથે વરસાદી ઝાપટા વરસતા વાતાવરણમાં ઠંડક પ્રસરી. તો દક્ષિણ ગુજરાતમાં ચોમાસાની સત્તાવાર એન્ટ્રી પહેલા ખેડૂતો અને શહેરીજનો હજુ પણ સારા વરસાદની રાહ જોઈ રહ્યા છે. આ તરફ કચ્છ જિલ્લામાં પણ વરસ્યો પ્રિ-મોનસૂન એક્ટિવિટીનો વરસાદ. જિલ્લાના અલગ અલગ વિસ્તારોમાં વરસાદી ઝાપટા વરસ્યા. વાદળછાયા વાતાવરણ વચ્ચે વરેસેલા ઝરમર વરસાદથી ભારે ઉકળાટ થતા નાગરિકો બફારાથી પરસેવે રેબઝેબ થયા.