Gujarat Weather Update: રાજ્યમાં આજથી વધશે ગરમીનું જોર, 43ને પાર જાય તેવી આગાહી

રાજ્યમાં આજથી પડશે પ્રચંડ ગરમી. વેસ્ટર્ન ડિસ્ટર્બન્સની અસર ઓછી થતા ફરી એક વાર ગરમીનો પારો ઉંચકાયો છે. આગામી 48 કલાકમાં રાજ્યના મહત્તમ તાપમાનમાં  2થી 3 ડિગ્રીનો વધારો થશે. ખાસ કરી કચ્છ અને સૌરાષ્ટ્રના વિસ્તારોમાં કાળઝાળ ગરમીની સાથે હિટવેવની આગાહી કરવામાં આવી છે..હાલમાં ઉત્તર-પશ્ચિમથી ઉત્તર તરફનો પવન ફૂંકાઈ રહ્યો છે...અગાઉ સક્રિય થયેલું વેસ્ટર્ન ડિસ્ટર્બન્સ હવે નબળું પડી ગયું છે. અને હાલમાં કોઈ નવી વરસાદી સિસ્ટમ સક્રિય ન હોવાથી વાતાવરણ સંપૂર્ણપણે સૂકું રહેશે. 19 એપ્રિલ સુધી તમામ જિલ્લાઓમાં હવામાન સૂકું રહેવાની શક્યતા છે. રવિવારે સતત બીજા દિવસે અમદાવાદનું તાપમાન વધીને 40.7 ડિગ્રી નોંધાયું. જ્યારે રાજકોટ 41.7 ડિગ્રી સાથે રાજ્યનું સૌથી હોટ શહેર બન્યું...સૌરાષ્ટ્ર અને કચ્છના દરિયાકાંઠા વિસ્તારોમાં ભેજનું પ્રમાણ વધારે હોવાથી હોટ એન્ડ હ્મુમિડ વાતાવરણ રહેશે....આ સ્થિતિ આગામી સાત દિવસ સુધી યથાવત રહેવાની શક્યતા છે...જેના કારણે નાગરિકોને ભારે બફારો અને અકડામણનો સામનો કરવો પડી શકે છે.