Gujarat Rains Forecast : ત્રણ દિવસ મેઘરાજા બોલાવશે સટાસટી: હવામાન વિભાગની આગાહી

રાજ્યમાં સાત દિવસ હળવાથી મધ્યમ વરસાદની અને આગામી ત્રણ દિવસ કેટલાક વિસ્તારોમાં ભારે વરસાદની હવામાન વિભાગે વ્યક્ત કરી છે આગાહી.. આજે ચાર જિલ્લા અને સંઘ પ્રદેશ દમણ અને દાદરાનગર હવેલીમાં વરસાદનું ઓરેન્જ એલર્ટ જાહેર કરવામાં આવ્યું છે.. જ્યારે પોરબંદર, ભાવનગર અને અમરેલી સિવાયના તમામ જિલ્લામાં વરસાદનું યલો એલર્ટ જાહેર કરવામાં આવ્યું છે.. ત્રણ દિવસ ભારે વરસાદની આગાહીને પગલે માછીમારોને દરિયો ન ખેડવા માટેની સૂચના આપી દેવામાં આવી છે.. જ્યારે રાજ્યના અલગ અલગ બંદરો પર પણ ત્રણ નંબરનું સિગ્નલ લગાવી લેવામાં આવ્યું છે.. આવતીકાલ એટલે કે 26 ઓગસ્ટની વાત કરીએ તો કાલે ભાવનગર, દાહોદ અને છોટા ઉદેપુર જિલ્લામાં વરસાદનું ઓરેન્જ એલર્ટ આપવામાં આવ્યું છે.. જ્યારે સૌરાષ્ટ્રના ગીર સોમનાથ અને અમરેલી, ઉત્તર ગુજરાતના બનાસકાંઠા, સાબરકાંઠા, મહેસાણા, અરવલ્લીમાં વરસાદનું યલો એલર્ટ જાહેર કરવામાં આવ્યું છે.. ગાંધીનગર અને અમદાવાદમાં પણ આવતીકાલે વરસાદનું યલો એલર્ટ જાહેર કરવામાં આવ્યું છે.. તો મધ્ય ગુજરાતના મહીસાગર, પંચમહાલ, વડોદરાની સાથે દક્ષિણ ગુજરાતના નર્મદા, તાપી, ડાંગ, નવસારી અને વલસાડમાં વરસાદનું યલો એલર્ટ જાહેર કરાયું છે. આ તરફ સંઘ પ્રદેશ દીવ, દમણ અને દાદરાનગર હવેલીમાં પણ વરસાદનું યલો એલર્ટ આપવામાં આવ્યું છે..