Paresh Goswami : ગુજરાતમાં ગાજવીજ સાથે વરસાદની પરેશ ગોસ્વામીની આગાહી
Paresh Goswami : ગુજરાતમાં ગાજવીજ સાથે વરસાદની પરેશ ગોસ્વામીની આગાહી
Weather Forecast:હવામાન વિભાગના જુદા જુદા મોડલ રાજ્યમાં વાતાવરણમાં પલટાના સંકેત આપી રહ્યાં છે. હવામાન નિષ્ણાત પરેશ ગોસ્વામીએ પણ વાદળછાયા વાતાવરણ વચ્ચે માવઠાની આગાહી કરી છે. પરેશ ગોસ્વામીના આંકલન મુજબ આવનાર દિવસોમાં કમોસમી વરસાદ વરસશે. જે મુજબ 31 માર્ચ એટલે કે આજે દક્ષિણ ગુજરાતમાં તેની અસર જોવા મળી અહીં વાદળછાયું વાતાવરણ આજે સવારથી જોવા મળ્યું. મહારાષ્ટ્ર પર સર્જાયેલા સાયક્લોનિક સર્ક્યુલેશનના કારણે ગુજરાતના કેટલાક જિલ્લામાં વાદળછાયું વાતાવરણ છવાયું છે અને કેટલાક જિલ્લામાં હળવો વરસાદ વરસી શકે છે.
દક્ષિણ ગુજરાતના ડાંગ, આહવા, નવસારી, વાપીના વિસ્તારમાં છૂટછવાયો વરસાદ વરસી શકે છે. માવઠા દરમિયાન થન્ડરસ્ટ્રોર્મ એક્ટિવિટી પણ જોવા મળશે. જેથી કેટલાક જિલ્લામાં ભારે પવન સાથે ગાજવીજ સાથે વરસાદ વરસી શકે છે.
સૌરાષ્ટ્રના કેટલાક વિસ્તારમાં પણ વાતાવરણમાં પલટાનો અનુમાન છે. જો કે આવિસ્તારમાં વાદળછાયુ વાતાવરણ રહેશે પરંતુ વરસાદની શક્યતા નહિવત છે.
હવામાન નિષ્ણાત પરેશ ગોસ્વામીના મત મુજબ કચ્છની વાત કરીએ તો કચ્છમાં પણ હાલ કોઇ કમોસમી વરસાદની શક્યતા નથી. જો કે એકાદ જગ્યાએ ઝાપટા પડે તો તે અપવાદરૂપ રહેશે, હવામાનના પલટાની વાત કરીએ તો સૌરાષ્ટ્ર અને કચ્છમાં 1 અને 2જી એપ્રિલ સુધી જ વાદળછાયું વાતાવરણ રહેશે. બાદ આકરા તાપનો અનુમાન છે.
હવામાન નિષ્ણાત પરેશ ગોસ્વામીના આંકલન મુજબ દક્ષિણ ગુજરાત અને મધ્યપ્રદેશની બોર્ડર નજીકના વિસ્તારમાં 5 એપ્રિલ સુધી હવામાનમાં પલટો જોવા મળશે એટલે કે અહીં વાતાવરણમાં પલટા સાથે વાદળછાયું વાતાવરણ જોવા મળશે. જેમાં ખાસ કરીને અરવલ્લી, મહિસાગર, દાહોદ, ગોધરા, છોડા ઉદેપુરમાં 1થી 5 એપ્રિલ દરમિયાન છુટછવાયો કમોસમી વરસાદ વરસી શકે છે. ઉપરાંત છોટા ઉદેપુરથી આગળની તરફના વિસ્તારમાં દક્ષિણ તરફ નર્મદા, ભરૂચ, અંકલેશ્વર, વલસાડ, વાપી,સુરતમાં પણ 5 એપ્રિલ સુધી હવામાનમાં અસ્થિરતા રહેશે અને વરસાદી ઝાપટી જોવા મળશે.
હવામાન વિભાગની આગાહી મુજબ આજે અને આવતીકાલે સૌરાષ્ટ્ર, ઉત્તર અને મધ્ય ગુજરાતના કેટલાક ભાગોમાં માવઠુ થઇ શકે છે. તો વળી, બીજીબાજુ પહેલી એપ્રિલ સુધી ગુજરાતના દરિયાકાંઠાના વિસ્તારોમાં ગરમ અને ભેજવાળું હવામાન રહેશે તેવું અનુમાન પણ છે.
ટોપ સ્ટોરી
ટ્રેન્ડિંગ સમાચાર
