Aravalli Hills Judgment: અરવલ્લી પર્વતમાળા મુદ્દે સુપ્રીમ કોર્ટનો મોટો આદેશ

અરવલ્લી પર્વતમાળાનો કેસ લાંબા સમયથી ચાલી રહ્યો છે. આ શ્રેણીની અંદરના વિસ્તારોમાં ખાણકામ અંગે કોર્ટના ચુકાદાઓ પણ જાહેર કરવામાં આવ્યા છે. હવે, અરવલ્લી પર્વતમાળાની વ્યાખ્યા અંગે વિવાદ ઉભો થયો છે. સુપ્રીમ કોર્ટે આ મામલે હસ્તક્ષેપ કર્યો છે., સુનાવણી હાથ ધરી અને 20 નવેમ્બરના પોતાના નિર્ણય પર સ્ટે મૂક્યો છે. હવે સુપ્રીમ કોર્ટ 21 જાન્યુઆરી, 2026 ના રોજ આ કેસની સુનાવણી કરશે.

અરવલ્લી ટેકરીઓ અને પર્વતમાળાની વ્યાખ્યાને લગતા વિવાદ વચ્ચે સુપ્રીમ કોર્ટે આ મામલાની સ્વતઃ નોંધ લીધી છે. સીજેઆઈ સૂર્યકાન્ત સાથે ન્યાયાધીશ જે.કે. મહેશ્વરી અને ઓગસ્ટિન જ્યોર્જ મસીહ બેન્ચમાં છે. કોર્ટે સુપ્રીમ કોર્ટના અગાઉના નિર્ણય પર અસ્થાયી રૂપે સ્ટે આપ્યો છે.

20 ડિસેમ્બરના રોજ, સુપ્રીમ કોર્ટે અરવલ્લી ટેકરીઓ અને પર્વતમાળાની એક સમાન અને વૈજ્ઞાનિક વ્યાખ્યાને મંજૂરી આપી. નિષ્ણાત રિપોર્ટ પ્રાપ્ત ન થાય ત્યાં સુધી તેણે દિલ્હી, હરિયાણા, રાજસ્થાન અને ગુજરાતમાં ફેલાયેલા અરવલ્લી ક્ષેત્રમાં નવા ખાણકામ લીઝ આપવા પર પણ પ્રતિબંધ મૂક્યો.

CJI એ જણાવ્યું હતું કે ૧૨,૦૮૧ ટેકરીઓમાંથી ૧,૦૪૮ ટેકરીઓ ૧૦૦ મીટર ઊંચાઈના માપદંડને પૂર્ણ કરે છે તે તારણ વાસ્તવિક અને વૈજ્ઞાનિક રીતે સાચું છે કે નહીં તે પણ નક્કી કરવું જોઈએ. ભૂસ્તરશાસ્ત્રીય તપાસ જરૂરી છે કે નહીં તે પણ નક્કી કરવું જોઈએ.