ટ્રમ્પ પડ્યા નરમ, કિમ જોંગ સાથે વાતચીત કરવા થયા તૈયાર

વોશિંગ્ટનઃ અમેરિકા અને ઉત્તર કોરિયા વચ્ચે પરમાણુ બટન પાસે હોવાની ધમકીભર્યા માહોલ વચ્ચે પ્રેસિડેન્ટ ટ્રમ્પે આપેલા નિવેદનથી બધા હેરાન છે. ટ્રમ્પે કહ્યું કે, તે કિમ જોંગ સાથે વાત કરવા ઈચ્છે છે. ટ્રમ્પના આ નિવેદનને વિશ્વ શાંતિ માટે એક શુભ સંકેત માનવામાં આવે છે.

નોર્થ કોરિયા દ્વારા વારંવાર કરવામાં આવતા મિસાઇલ ટેસ્ટના કારણે ટ્રમ્પે તેના લીડર કિમ જોંગની રોકેટ મેન કહીને મજાક ઉડાવી હતી. તો કિમે પણ ટ્રમ્પની ઠેકડી કરી હતી. આ ઉપરાંત બંનેએ તાજેતરમાં જ ન્યૂક્લિયર બટનને લઇ નિવેદનો આપ્યા હતા.