Onion Price: ડુંગળીની કિંમત ગગડીને થઈ 2 થી 5 રૂપિયા પ્રતિ કિલો, ખેડૂતોએ લીધું આ પગલું

ડુંગળીના ભાવમાં ઘટાડાને જોતા મોટા ભાગના ખેડૂતોએ ખેતરમાંથી ડુંગળી કાઢવાનું કામ ઓછું કરી નાંખ્યું છે.પરિવહન ખર્ચ વધુ હોવાને કારણે ખેતરોમાંથી ડુંગળીનું ગ્રાહકોને સીધું વેચાણ કરીને નફો કમાઈ રહ્યા છે.

ફાઈલ તસવીર

Onion Price: દેશમાં એક તરફ દરેક વસ્તુની કિંમત સતત વધી રહી છે. બીજી તરફ ડુંગળીના ભાવમાં ભારે ઘટાડાનો દોર ચાલી રહ્યો છે. જેના કારણે છેલ્લા બે દિવસમાં રાજસ્થાનના માર્કેટમાં ડુંગળીની સરેરાશ 15 થી 25 હજાર બોરીઓ આવી રહી છે. જ્યારે એપ્રિલ મહિનામાં આ આવક 50 હજાર સુધી પહોંચી જાય છે. પણ આ વખતે આવું કંઈ નથી.

શું કહે છે ખેડૂતો

ડુંગળીના ભાવમાં ઘટાડાને જોતા મોટા ભાગના ખેડૂતોએ ખેતરમાંથી ડુંગળી કાઢવાનું કામ ઓછું કરી નાંખ્યું છે. ખેડૂતો કહે છે કે પરિવહન ખર્ચ વધુ હોવાને કારણે તેઓ તેમના ખેતરોમાંથી ડુંગળીનું ગ્રાહકોને સીધું  વેચાણ કરીને નફો કમાઈ રહ્યા છે.

વેપારીઓનું શું કહેવું છે

જિલ્લાના વેપારીઓનું કહેવું છે કે, ગત વર્ષે ડુંગળીના સારા ભાવને કારણે ઘણા ખેડૂતોએ ડુંગળીનું મહત્તમ વાવેતર કર્યું છે. પરંતુ સમયસર સિંચાઈ અને અન્ય સુવિધાઓના અભાવે ડુંગળીની ગુણવત્તા ઘણી બગડી છે. બજારમાં આવતી ડુંગળી 2 થી 5 રૂપિયે કિલો વેચાઈ રહી છે.  માર્ચની શરૂઆતમાં ડુંગળીના સારા ભાવ મળ્યા હતા. પરંતુ જિલ્લામાં પરિવહન ખર્ચ અને મજૂરી અને અન્ય સાધનોના અભાવે ડુંગળી ઉત્પાદકોએ અન્ય મંડીઓમાં વેચાણ શરૂ કર્યું છે. જેનું પરિણામ હવે બજારમાં સ્પષ્ટ દેખાઈ રહ્યું છે.

ખેડૂતોએ શું લીધું પગલું

ખેડૂતોનું કહેવું છે કે ખેતરમાં વધુ વાવણી તેમજ ટ્રાન્સપોર્ટેશનના ઊંચા ખર્ચને કારણે ડુંગળીના ભાવમાં ઘટાડો થઈ રહ્યો છે. ડુંગળીની ગુણવત્તા નબળી હોવાને કારણે બજારના વેપારીઓ પણ તેને ખરીદવાનું ટાળી રહ્યા છે. આ તમામ સમસ્યાઓના કારણે સીકર જિલ્લાના ખેડૂતોએ ડુંગળી ખોદવા પર પ્રતિબંધ લગાવી દીધો છે. જિલ્લામાં કેટલાક ખેડૂતો ખૂબ જ ઓછી માત્રામાં ડુંગળી ખોદી રહ્યા છે.

આ પણ વાંચોઃ