Gandhinagar: ખરીફ ઋતુમાં બિયારણની ખરીદીના સમયે ખેડૂતોએ છેતરપીંડીથી બચવા આટલી કાળજી જરૂર રાખવી.....
રાજ્યના ખેડૂતોએ આગામી ખરીફ ઋતુમાં પાક વાવેતર માટે બિયારણ ખરીદી કરતી વખતે છેતરપીંડીથી બચવા માટે કેટલીક કાળજી રાખવાની થતી હોય છે.
Gandhinagar: રાજ્યના ખેડૂતોએ આગામી ખરીફ ઋતુમાં પાક વાવેતર માટે બિયારણ ખરીદી કરતી વખતે છેતરપીંડીથી બચવા માટે કેટલીક કાળજી રાખવાની થતી હોય છે. રાજ્યના ખેતી નિયામકશ્રીના જણાવ્યા અનુસાર, ખેડૂતોએ બિયારણની ખરીદી માત્ર અધિકૃત લાયસન્સ કે પરવાનો ધરાવતી સહકારી મંડળીઓ, સરકારી સંસ્થાઓ અથવા ખાનગી વિક્રેતા પાસેથી જ કરવાનો આગ્રહ રાખવો જોઈએ. કોઇપણ સંજોગોમાં લાયસન્સ કે પરવાનો ધરાવતા ન હોય તેવા વ્યક્તિ, પેઢી કે ફેરીયાઓ પાસેથી ક્યારેય પણ બિયારણની ખરીદી કરવી નહી.
વધુમાં જણાવ્યાનુસાર બિયારણની ખરીદી સમયે વેપારી પાસેથી તેનો લાયસન્સ નંબર, પૂરું નામ, સરનામું અને જે બિયારણ ખરીદેલ હોય તેનું નામ, લોટ નંબર, ઉત્પાદન અને તેની મુદત પૂરી થવાની વિગત દર્શાવતું બીલ સહી સાથે લેવાનો આગ્રહ રાખવો. બિયારણની થેલી સીલ બંધ છે કે કેમ, તેમજ તેની મુદત પૂરી થઈ છે કે કેમ, તે બાબતે પણ ખાસ ચકાસણી કરવી અને કોઈપણ સંજોગોમાં મુદત પૂરી થયેલ હોય તેવા બિયારણની ખરીદી કરવી નહીં. ખાસ કરીને કપાસ પાકના બિયારણની થેલી અથવા પેકેટ કે જેના પર ઉત્પાદકનું નામ, સરનામું અને બિયારણના ધારાધોરણો દર્શાવેલ ન હોય તેવા 4જી અને 5જી જેવા જુદા-જુદા નામે વેચાતા અમાન્ય બિયારણની કોઈપણ સંજોગોમાં ખરીદી કરવી નહીં. આ પ્રકારના બિયારણ વેચાતા હોવાનું જો ધ્યાને આવે તો તાત્કાલિક સંબંધિત એગ્રીકલ્ચર ઇન્સ્પેક્ટર અથવા જે તે જિલ્લાના નાયબ ખેતી નિયામકશ્રી(વિસ્તરણ)ને તુરંત જાણ કરવી. વાવણી બાદ પણ ખરીદેલ બિયારણનું પેકેટ કે થેલી અને તેનું બીલ સાચવી રાખવુ જરૂરી છે, તેમ ખેતી નિયામકશ્રીની યાદીમાં જણાવાયું છે.
NDPS એક્ટ હેઠળ ગાંજાના 'બીજ' પર પ્રતિબંધ નથી: સુપ્રીમ કોર્ટ
Supreme Court: NDPS એટલે કે નાર્કોટિક્સ ડ્રગ્સ એન્ડ સાયકોટ્રોપિક સબસ્ટન્સ એક્ટ. આ સાથે જોડાયેલા કેસમાં સુપ્રીમ કોર્ટે આરોપી વ્યક્તિને જામીન આપ્યા છે. એનડીપીએસ એક્ટ, 1985 હેઠળ "ગાંજા" ની વ્યાખ્યામાં ગાંજાના બીજનો સમાવેશ થતો નથી તે આધારે જામીન મંજૂર કરવામાં આવ્યા હતા. એટલે કે આ કાયદા હેઠળ ગાંજાના બીજ પર પ્રતિબંધ નથી. અરજદાર સામે ગાંજાના બીજ સપ્લાય કરવાનો કેસ હતો. પોલીસે ધરપકડ કરી હતી.
જસ્ટિસ હૃષિકેશ રોય અને જસ્ટિસ મનોજ મિશ્રાની ડિવિઝન બેન્ચે આ મામલે સુનાવણી કરી હતી. પુરાવા દર્શાવે છે કે અરજદારે ખેતી માટે ગાંજાના બીજ પૂરા પાડ્યા હતા, એમ બેન્ચે જણાવ્યું હતું. NDPS એક્ટમાં ગાંજાણની વ્યાખ્યા હેઠળ ગાંજાના બીજ પર પ્રતિબંધ નથી. એવો કોઈ આરોપ નથી કે અરજદારે ખેતી કરેલ ગાંજો પાછું મેળવવાના ઈરાદાથી બીજ સપ્લાય કર્યું હતું.
NDPS એક્ટ હેઠળ "ગાંજા" ની વ્યાખ્યા શું છે? તે પણ જાણી લો. વ્યાખ્યા જણાવે છે કે, "ગાંજા એ ગાંજાના છોડના ફૂલ કે ફળ આપનાર ઉપલા ભાગ છે. તેમાં બીજ અને પાંદડાનો સમાવેશ થતો નથી." ગુજરાત હાઈકોર્ટે આરોપીને જામીન આપવાનો ઈન્કાર કર્યો હતો. સુપ્રીમ કોર્ટનો સંપર્ક કરવામાં આવ્યો હતો. એડવોકેટ સોમેશ ચંદ્ર ઝા, અરજદારો માટે હાજર રહીને દલીલ કરી હતી કે આ મામલો ગાંજાના બીજને લગતો છે જે NDPS એક્ટના કાર્યક્ષેત્ર હેઠળ આવશે નહીં.
વધુમાં જણાવાયું છે કે NDPS એક્ટ હેઠળ "ગાંજા" ની વ્યાખ્યામાં શણના બીજનો સમાવેશ થતો નથી. સુપ્રીમ કોર્ટે વકીલની દલીલો સાંભળી હતી. એ હકીકતની નોંધ લીધી કે આરોપી 20 મે 2022 થી જેલમાં છે. અને ચાર્જશીટ દાખલ થઈ ચૂકી છે. ત્યારબાદ કોર્ટે નોંધ્યું હતું કે પુરાવા દર્શાવે છે કે અરજદારે ખેતી માટે ગાંજાના બીજ પૂરા પાડ્યા હતા. પરંતુ એવો કોઈ આરોપ નથી કે અરજદારે ખેતી કરેલ ગાંજો પાછું મેળવવાના ઈરાદાથી બીજ સપ્લાય કર્યું હતું. આ સાથે કોર્ટે આરોપીને જામીન પર મુક્ત કરવાનો આદેશ કર્યો હતો.
ટોપ સ્ટોરી
ટ્રેન્ડિંગ સમાચાર
