ગુજરાતના ટોચના ઉદ્યોગપતિ પત્નિને ડિવોર્સ આપવા 200 કરોડ રૂપિયા આપવા તૈયાર થયા હોવાની ચર્ચા, જાણો વિગત

અમદાવાદઃ કેડીલા કંપનીના માલિક રાજીવ મોદી અને પત્ની મોનીકા મોદી વચ્ચે થયેલી ઊગ્ર તકરાર બાદ પોલીસ સ્ટેશનમાં છ કલાકની મેરેથોન વાટાઘાટો બાદ ૨૦૦ કરોડમાં સમાધાનનો નિર્ણય લેવાયો હોવાની ચર્ચા છે. પતિ સામે મારપીટની ફરિયાદ કરવા સોલા પોલીસ સ્ટેશન પહોંચેલા મોનીકા મોદીના સીનીયર વકીલ અને પતિના વકીલ સાથે લાંબી વાટાઘાટો ચાલી હતી.

જોકે પોલીસ સ્ટેશન સુધી વાત પહોંચતા જ બન્ને પતિ પત્નીના સીનીયર વકીલો પણ સોલા પોલીસ સ્ટેશન આવી પહોંચ્યા હતા. ત્યારબાદ આ દંપતી વચ્ચે સમાધાનના પ્રયાસો શરૂ થયા હતા. જેમાં કાઊન્સીલની પણ મદદ લેવામાં આવી હતી. જેમાં સમાધાન માટે મોનીકા મોદીએ પતિ પાસે 200 કરોડની માંગણી કરી હોવાની ચર્ચા છે.