કોંગ્રેસના 82 ધારાસભ્યોનાં નામ નક્કી, જાણો કેટલા વાગે કરાશે જાહેરાત ?

પ્રદેશ કોંગ્રેસનાં અંતરંગ સુત્રો મુજબ સ્ક્રીનીંગ કમિટી દ્વારા મોકલેલા અહેવાલના આધારે જનરલ ઇલેક્શન કમિટીએ બાકીની 82 બેઠકો પર ઉમેદવારો નક્કી કરીને એક પેનલ તૈયાર કરવામાં આવી છે. આ પેનલમાં પસંદ કરાયેલા ઉમેદવારો પાછળના કારણો, તેની સ્થિતિ સહિતના મુદ્દાઓ રજૂ કરીને તેને જનરલ ઇલેકશન કમિટી વર્કીગ કમિટીને અહેવાલ આપવામાં આવશે.

ગુજરાત વિધાનસભાની ચૂંટણી માટે દિલ્હીમાં સોનિયા ગાંધીના નિવાસ સ્થાને કોંગ્રેસની વર્કિગ કમિટીની બેઠક આજે મળશે. સૂત્રોના જણાવ્યા પ્રમાણે, વિધાનસભાની 82 બેઠકો માટે કોગ્રેસના ઉમેદવારોના નામ નક્કી થઇ ગયા છે. કોગ્રેસ સાંજે છ વાગ્યે ઉમેદવારોની પ્રથમ યાદી જાહેર કરી શકે છે.

અમદાવાદ: ગુજરાતમાં હાલમાં વિધાનસભાની ચૂંટણીનો માહોલ ધીરે ધીરે જામતો જાય છે. સતાધારી પક્ષ ભાજપ વિરુદ્ધ લોકોમાં ગુસ્સો જોવા મળી રહ્યો છે. ભાજપ-કોગ્રેસ સહિતના તમામ પક્ષો જીતવા માટે જોરશોરમાં પ્રચાર કરી રહ્યા છે. જેમાં અનામત આંદોલનને કારણે ઘણાં પાટીદારોમાં ભાજપ વિરુદ્ધ આક્રોશ જોવા મળી રહ્યો છે અને બીજી બાજુ કોંગ્રેસ અનામત આપવા માટે તૈયારી બતાવી રહી છે જેના કારણે ગુજરાતમાં ભાજપ અને કોંગ્રેસ એક બીજા સામે પ્રહારો કરીને પ્રચાર કરી રહ્યા છે.

કોંગ્રેસ દ્વારા 82 બેઠકો પર ઉમેદવારો નક્કી થયા પછી હજુ બાકીની 100 બેઠકો પર ઉમેદવારો નક્કી કરવા માટે દિલ્હીમાં બેઠકોનો દોર હાથ ધરવામાં આવ્યો છે તેમ પ્રદેશ પ્રમુખ ભરતસિંહ સોલંકીએ જણાવ્યું હતું.