અમદાવાદમાં વહેલી સવારથી ભારે વરસાદ, અનેક વિસ્તારોમાં ભરાયા પાણી

ભારે વરસાદને કારણે હાટકેશ્વર સર્કલ બેટમાં ફેરવાયું હતું. ખોખરા ગુજરાત હાઉસિંગ બોર્ડના તમામ માર્ગો પાણીમાં ગરકાવ થઇ ગયા હતા. આગામી બે દિવસો દરમિયાન અમદાવાદમાં ઝરમર વરસાદ ત્યારબાદ મધ્યમથી ભારે વરસાદની હવામાન વિભાગે આગાહી કરી હતી. રાજસ્થાન અને પાકિસ્તાનમાં સર્જાયેલાં અપરએર સરક્યુલેશનની અસરને કારણે આગામી 24 કલાક દરમિયાન સૌરાષ્ટ્ર અને કચ્છમાં ભારે વરસાદ પડવાની શક્યતા છે.