અ’વાદઃ દારૂ પીને પ્રોફેસરે વિદ્યાર્થીનીને કહ્યું- ‘ચાલ મારી રૂમમાં તને તેલ માલીશ કરી આપું’

પીડિતાએ આક્ષેપ કર્યો હતો કે પ્રોફેસર ગમે તેમ કરીને અમને તેમની રૂમમાં બોલાવતો હતો અને અમારી રૂમમાં આવી જતો હતો. શાહીબાગના ઇન્ચાર્જ પીઆઇ વી.એન.યાદવે કહ્યું હતું કે, અમે પ્રોફેસરને પકડવા માટે જુદી જુદી ટીમો બનાવી છે. પ્રોફેસર વિરુદ્ધ છેડછાડ અને સાયબર ક્રાઇમ હેઠળ ગુનો નોંધવામાં આવ્યો છે.

ફરિયાદમાં જણાવ્યા પ્રમાણે, અહીં કોન્ફરન્સમાં પ્રોફેસરે દારૂ પીને વિદ્યાર્થીનીઓ સમક્ષ બિભત્સ માંગણી કરી હતી. પ્રોફેસરે પીડિતાને કહ્યું હતું કે, તમે મારી રૂમમાં આવી જાવ હું તમને તેલથી માલિશ કરી આપું. આ દરમિયાન પ્રોફેસરે એક વિદ્યાર્થીની પાસે પોતાના માથામાં તેલ નંખાવ્યું હતું.

મળતી વિગતો અનુસાર, પ્રોફેસર રાજેન્દ્ર મેકવાન વિદ્યાર્થીનીને છેલ્લા સાત મહિનાથી વોટ્સએપ પર મેસેજ કરીને હેરાન કરતો હતો. બેંગલુરુમાં એક કોન્ફરન્સ દરમિયાન પ્રોફેસર મેકવાને તમામ હદ વટાવી દીધી હતી. પ્રોફેસર મેકવાન પાંચ વિદ્યાર્થીનીઓને લઇને અહીં કોન્ફરન્સમાં આવ્યા હતા.

અમદાવાદઃ અમદાવાદની સિવિલ હોસ્પિટલના કેમ્પસમાં આવેલી નર્સિગ કોલેજના પ્રોફેસરે દારૂ પીને વિદ્યાર્થીની છેડતી કર્યાની ઘટના સામે આવી છે. વિદ્યાર્થીનીએ શાહીબાગ પોલીસ સ્ટેશનમાં પ્રોફેસર વિરુદ્ધ છેડતીની ફરિયાદ નોંધાવી છે. પોલીસે આ અંગે ગુનો નોંધી તપાસ હાથ ધરી છે.