રાહુલ ગાંધીએ બિઝનેસમેન-વેપારીઓ સાથે બેસીને અમદાવાદની ક્યાંની કીટલીની ઓછી ખાંડવાળી ચા પીધી ?

રાહુલે અમદાવાદમાં પણ કોઈ વીઆઈપી જેવાં નખરાં ના કરતાં સામાન્ય કાર્યકરો સાથે બેસીને ભોજન લીધું હતું. રાહુલે બપોરે ગુજરાતી દાળ, ભાત, સાદી રોટલી, શાક અને સલાડ ખાધાં હતાં. રીવરફ્રન્ટ પર સંવાદ કાર્યક્રમ પછી રાહુલ ગાંધીએ ગુજરાતના બિઝનેસમેન તથા નાના વેપારીઓ સાથે પ્રોફેશનલ મીટ કરી હતી.

રાહુલે બિઝનેસમેન તથા નાના વેપારીઓની તકલીફો પૂછી હતી. તેમના સૌજન્યશીલ વર્તનથી બધાં પ્રભાવિત થઈ ગયાં હતાં. આ કાર્યક્રમ પછી રાહુલ ગાંધીએ બિઝનેસમેન તથા વેપારીઓ સાથે બેસીને ચા પીધી હતી. આ ચા વી.એસ. હોસ્પિટલની કીટલી પરથી મંગાવાઈ હતી. રાહુલે ઓછી ખાંડવાળી ચા પીધી હતી.