Yearly Horoscope: મેષ રાશિમાં સ્થળાંતર સાથે મોટા ધનલાભના યોગ, જાણો કેવું વિતશે વર્ષ?
Yearly Horoscope: તા. 29 -૦૩- 2025 થી શનિ મીન રાશિમાં આવતા તમારી રાશિ થી બારમાં વ્યય સ્થાનમાં આવશે. અહીં તમારે સાડાસાતી પનોતીનો પ્રથમ તબક્કો લોઢાના પાથે માથા પરથી પસાર થાય જે શારીરિક માનસિક, આર્થિક તકલીફ ઊભી કરી શકે છે. દરેક જગ્યાએ અવરોધો ઉભા કરી શકે છે.
Yearly Horoscope: વિક્રમ સવંત 2081ની શરૂઆત થઇ ચૂકી છે. આ વર્ષ કેવું જશે. તે બાબત જાણવાની દરેકને ઉત્સુકતા હોય છે. નવા વર્ષને લઇને દરેક લોકોના સંકલ્પ સાથે નવા આયોજન અને ઘ્યેય હોય છે.ત્યારે જાણીએ કે મેષ રાશિનું વિક્રમ સંવત 2081 કેવું જશે.
મેષ રાશિ: વિક્રમ.સવંત 2081માં વર્ષની શરૂઆતમાં ગુરૂ ગોચર માં વૃષભ રાશિમાં તમારી રાશિથી બીજા ધનમાં ભ્રમણ કરશે જે વેપાર ધંધા નોકરીમાં મોટા ધન લાભ અપાવશે, યશ નામ અપાવશે. પ્રગતિ કરાવશે, કૌટુંબિક ધન પ્રાપ્તિના યોગ પણ બની રહ્યાં છે. તા. 14-૦5-2025 થી ગુરુ મિથુન રાશિમાં આવતા તમારી રાશિથી ત્રીજા પરાક્રમ સ્થાને રહે છે. જે ભાઈ- બહેન સાથે મતભેદો ઊભા કરી શકે છે. નાના મોટા પ્રવાસો કે નોકરી ધંધા ઘર સ્થળાંતરના યોગ બનશે. વર્ષની શરૂઆતમાં શનિ કુંભ રાશિમાં હોવાથી તમારા અગિયારમાં લાભસ્થાને ભ્રમણ કરે છે. જે આર્થિક સુખમાં વધારો કરાવે છે. વેપાર ધંધા નોકરીમાં મોટા ધન લાભ આપશે. સમાજમાં માન આપવે છે દરેક કાર્યમાં સફળતા મળશે.
તા. 29 -૦૩- 2025 થી શનિ મીન રાશિમાં આવતા તમારી રાશિ થી બારમાં વ્યય સ્થાનમાં આવશે. અહીં તમારે સાડાસાતી પનોતીનો પ્રથમ તબક્કો લોઢાના પાથે માથા પરથી પસાર થાય જે શારીરિક માનસિક, આર્થિક તકલીફ ઊભી કરી શકે છે. દરેક જગ્યાએ અવરોધો ઉભા કરી શકે છે.
સ્રીઓ માટે : આ વર્ષ મિશ્ર ફળદાયી રહેશે. વર્ષ ની શરૂઆત માં દરેક જગ્યાએ લાભ રહે ત્યારબાદ 29 માર્ચ થી શનિ મીન રાશિમાં આવતા દામ્પત્યજીવનમાં અણબનાવ ઊભા કરી શકે કૌટુંબિક કે આર્થિક તકલીફો વધી શકે છે. પેટને લગતી નાની મોટી તકલીફો પણ થઇ શકે છે.
વિદ્યાર્થીઓ માટે :- વિદ્યાર્થીઓ માટે આ વર્ષ શરૂઆતમાં સારું રહેશે મહેનત પ્રમાણે ફળ મળશે. માર્ચ 2025થી સ્થિતિ મધ્યમ રહેશે, વિદ્યા પ્રાપ્તિમાં અવરોધો આવશે. ઉચ્ચ અભ્યાસ અર્થે વિદેશ જવાના પ્રયત્નમાં કઠિનાઈ આવશે. જેથી વધુ મહેનત કરવી હિતાવહ છે.
Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે, abp અસ્મિતા કોઈપણ પ્રકારની ઓળખ, માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો
ટ્રેન્ડિંગ સમાચાર
ટોપ સ્ટોરી
