અધિક શ્રાવણના સોમવારે શિવની પૂજાની સાથે દાનનું પણ છે મહત્વ, આ 5 ચીજોનું જરૂર કરો દાન

શાસ્ત્રોમાં કહેવામાં આવ્યું છે કે અધિક શ્રાવણ મહિનામાં પૂજા અને દાન કરવાથી દરેક પ્રકારના કષ્ટ દૂર થાય છે અને મનોકામનાઓ જલ્દી પૂરી થાય છે

સોમવાર ભગવાન ભોળાનાથને સમર્પિત છે

Source : दिनेश कश्यप

Adhik Shravan Puja and Donation: શ્રાવણ મહિનામાં ભગવાન શિવની વિશેષ પૂજા કરવામાં આવે છે. અધિક શ્રાવણમાં ભગવાન શિવની પૂજા કરવાનું જેટલું મહત્વ આપવામાં આવે છે એટલું જ મહત્વ દાનને પણ આપવામાં આવે છે.

શાસ્ત્રોમાં કહેવામાં આવ્યું છે કે શ્રાવણ મહિનામાં પૂજા અને દાન કરવાથી દરેક પ્રકારના કષ્ટ દૂર થાય છે અને મનોકામનાઓ જલ્દી પૂરી થાય છે. આવો જાણીએ કે અધિક શ્રાવણમાં સોમવારના દિવસે કઈ વસ્તુઓનું દાન કરવું જોઈએ. 

કાળા તલઃ કાળા તલનો ઉપયોગ શ્રાવણ મહિનામાં ભગવાન શિવના જલાભિષેકમાં કરવામાં આવે છે. કાળા તલ ભગવાન શિવ અને ભગવાન શનિ બંનેને ખૂબ પ્રિય છે. આવી સ્થિતિમાં જે લોકોને ગ્રહો સંબંધી કોઈ દોષ હોય તેમણે શ્રાવણ સોમવાર અથવા શનિવારના દિવસે કાળા તલનું દાન કરવું જોઈએ. આ ઉપાયથી ગ્રહ દોષ દૂર થાય છે.

મીઠુંઃ વાસ્તુશાસ્ત્રમાં મીઠાના ઉપાય કરવાથી ઘરમાં ફેલાયેલી નકારાત્મક ઉર્જા દૂર થાય છે. બીજી તરફ શિવપુરાણમાં કહેવામાં આવ્યું છે કે, જે વ્યક્તિ શ્રાવણ મહિનામાં મીઠાનું દાન કરે છે, તેની તમામ મુશ્કેલીઓ દૂર થઈ જાય છે. સાથે જ આ ઉપાય કરવાથી સુખ-સમૃદ્ધિ વધે છે.

ચોખાઃ  શ્રાવણ મહિનાના સોમવારે ગરીબો અને જરૂરિયાતમંદોને ચોખાનું દાન કરો. તમે ચોખાની બનેલી ખીરનું દાન પણ કરી શકો છો. તેનાથી જીવનમાં સફળતા મળે છે.

રૂદ્રાક્ષ: રૂદ્રાક્ષને ભગવાન શિવનું વિશેષ આભૂષણ માનવામાં આવે છે. શાસ્ત્રોમાં રૂદ્રાક્ષને ભગવાન શિવનો અંશ માનવામાં આવ્યો છે. એવું માનવામાં આવે છે કે રુદ્રાક્ષની ઉત્પત્તિ ભગવાન શિવના આંસુમાંથી થઈ છે. એટલા માટે જે ભક્ત શવન મહિનામાં રુદ્રાક્ષનું દાન કરે છે, તેનું આયુષ્ય વધે છે અને અકાળ મૃત્યુનો ભય દૂર થાય છે.

ચાંદીઃ કુંડળીમાં કાલસર્પ દોષથી મુક્તિ મેળવવા માટે સાવન મહિનામાં ચાંદી અથવા તેનાથી બનેલી વસ્તુઓનું દાન કરવું ખૂબ જ શુભ છે. આ સિવાય સંતાન પ્રાપ્તિ માટે શવન મહિનામાં ચાંદીનું દાન પણ કરવું જોઈએ.

Disclaimer: અહીં આપેલી માહિતી માત્ર ધારણાઓ અને માન્યતા પર આધારિત છે. અત્રે એ ઉલ્લેખ કરવો જરૂરી છે કે ABPLive.com કોઈપણ પ્રકારની ઓળખ, માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો.