વરુણ ચક્રવર્તીએ રચ્યો ઈતિહાસ, T20I ક્રિકેટમાં આ રેકોર્ડ બનાવનાર પ્રથમ ભારતીય બોલર
વરુણ ચક્રવર્તી (varun chakravarthy )એ ઇતિહાસ રચ્યો છે. 818 પોઈન્ટ સાથે, 34 વર્ષીય બોલર ટી20 ઈન્ટરનેશનલ ક્રિકેટમાં સૌથી વધુ રેટિંગ પોઈન્ટ મેળવનાર પ્રથમ ભારતીય બોલર બન્યો છે.
ICC Cricket Rankings: વરુણ ચક્રવર્તી (varun chakravarthy )એ ઇતિહાસ રચ્યો છે. 818 પોઈન્ટ સાથે, 34 વર્ષીય બોલર ટી20 ઈન્ટરનેશનલ ક્રિકેટમાં સૌથી વધુ રેટિંગ પોઈન્ટ મેળવનાર પ્રથમ ભારતીય બોલર બન્યો છે. વરુણ પહેલાથી જ ઈન્ટરનેશનલ ક્રિકેટ કાઉન્સિલના ટી20 ઈન્ટરનેશનલ ક્રિકેટ રેન્કિંગમાં ટોચનું સ્થાન ધરાવે છે. જોકે, નવીનતમ રેન્કિંગે તેને વધુ સારો બનાવ્યો છે, જેનાથી તે ટી20 ઈન્ટરનેશનલ ક્રિકેટમાં સૌથી વધુ રેટિંગ પોઈન્ટ મેળવનાર પ્રથમ ભારતીય બોલર બન્યો છે.
A career-best rating for a key India spinner as the side primes for their #T20WorldCup defence 👊
— ICC (@ICC) December 17, 2025
More 👇https://t.co/M4Wjtlg3LT
વરુણ ચક્રવર્તી શાનદાર ફોર્મમાં છે
વરુણ ચક્રવર્તી હાલમાં દક્ષિણ આફ્રિકા સામે ચાલી રહેલી પાંચ મેચની ટી20 ઈન્ટરનેશનલ શ્રેણીમાં વ્યસ્ત છે. તે ભારતીય ટીમ માટે શાનદાર ફોર્મમાં છે. આ લખાય છે ત્યાં સુધી, તેણે ભારતીય ટીમ માટે ત્રણેય મેચમાં ભાગ લીધો છે, જેમાં છ વિકેટ લીધી છે.
કટકમાં રમાયેલી પહેલી ટી20 મેચમાં, વરુણ ચક્રવર્તીએ 19 રન આપીને બે વિકેટ લીધી હતી. ત્યારબાદ તેણે ન્યૂ ચંદીગઢ સામેની બીજી ટી20 ઈન્ટરનેશનલ મેચમાં 29 રન આપીને બે વિકેટ લીધી હતી. શ્રેણીની ત્રીજી મેચ 14 ડિસેમ્બરે ધર્મશાળામાં રમાઈ હતી. તેણે અહીં પણ સારું ફોર્મ મેળવ્યું, 11 રન આપીને બે વિકેટ લીધી હતી.
અભિષેક શર્મા 900 થી વધુ રેટિંગ સાથે પોતાનું નંબર વન સ્થાન જાળવી રાખ્યું છે
ICC એ નવી T20 રેન્કિંગ જાહેર કરી છે. ભારતના ઓપનિંગ બેટ્સમેન અભિષેક શર્મા 909 ના વર્તમાન રેટિંગ સાથે નંબર વન પર યથાવત છે. ઇંગ્લેન્ડના ફિલ સોલ્ટ 849 ના વર્તમાન રેટિંગ સાથે બીજા સ્થાને છે. શ્રીલંકાના પથુમ નિસાન્કા 779 ના રેટિંગ સાથે ત્રીજા સ્થાને યથાવત છે. દરમિયાન, ભારતના તિલક વર્મા બે સ્થાન ઉપર આવી ગયા છે. તિલક વર્માનું રેટિંગ હવે 774 છે, જેના કારણે તે ચોથા નંબર પર પહોંચી શક્યો છે.
સૂર્યકુમાર યાદવ એક સ્થાન ઘટીને 10માં ક્રમે પહોંચી ગયો
આ દરમિયાન, ભારતીય ટીમના કેપ્ટન સૂર્યકુમાર યાદવ અંગે ચિંતા છે. થોડા મહિના પહેલા સુધી ICC T20 રેન્કિંગમાં નંબર વન બેટ્સમેન રહેતો સૂર્યા હવે ટોપ 10માંથી બહાર થવાની અણી પર છે. આ વખતે સૂર્યાએ પણ એક સ્થાન ગુમાવ્યું છે, 669 રેટિંગ સાથે 10માં સ્થાને આવી ગયો છે. હવે, તેની ઇનિંગમાં વધુ એક નિષ્ફળતા તેને ટોપ 10માંથી બહાર કરી દેશે. ભારત અને દક્ષિણ આફ્રિકા વચ્ચે ચાલી રહેલી T20 શ્રેણીમાં હજુ બે મેચ બાકી છે. આ મેચોમાં તેને મોટી ઇનિંગ રમવાની જરૂર પડશે.
ટોપ સ્ટોરી
ટ્રેન્ડિંગ સમાચાર
