Religion: શનિવારે પીપળાના ઝાડની આ રીતે કરો પૂજા, તમારા ઘરે આવશે દેવી લક્ષ્મી, ગ્રહ દોષ પણ થશે દૂર

Religion: શનિવારે આ વિધિથી પીપળાના ઝાડની પૂજા કરવાથી દેવી લક્ષ્મીની કૃપા પ્રાપ્ત થાય છે. તેની સાથે જ શનિદેવની કૃપા પણ મળે છે.

પીપળાની પૂજા

Peepal Treee Worship Significance:  હિન્દુ ધર્મમાં પીપળાના વૃક્ષની પૂજાનું વિશેષ મહત્વ છે. ખાસ કરીને શનિવારે પીપળાના ઝાડને જળ ચઢાવવાથી અને દીવો પ્રગટાવવાથી શુભ ફળ મળે છે. આટલું જ નહીં શનિવારે પીપળાના ઝાડને પાણી આપવાથી સાડાસાતી અને ધૈયા જેવા દોષો પણ દૂર થાય છે. ધાર્મિક માન્યતાઓ અનુસાર પીપળાના વૃક્ષમાં અનેક દેવી-દેવતાઓનો વાસ હોય છે. તો આજે આપણે જાણીશું કે શનિવારે પીપળાના વૃક્ષની પૂજા કરવાથી કેવી રીતે ધનની પ્રાપ્તિ થાય છે.

શનિવારના દિવસે સવારે વહેલા ઊઠીને સ્નાન વગેરે કરીને પીપળાના વૃક્ષની પૂજા વિધિ પ્રમાણે કરો. તેની સાથે લક્ષ્મી અને ભગવાન વિષ્ણુની પણ પૂજા કરો. આમ કરવાથી તમારા ઘરમાંથી દરિદ્રતા દૂર થશે અને ત્યાં દેવી લક્ષ્મીનો વાસ થશે. આ સિવાય સવારે પીપળાના ઝાડ નીચે સરસવના તેલનો દીવો પ્રગટાવવાથી શનિદેવની વિશેષ કૃપા પ્રાપ્ત થાય છે.

• ધન અને સમૃદ્ધિ માટે પીપળાના વૃક્ષની પૂજા વિધિ
• શનિવારે સ્નાન કર્યા બાદ સૂર્યોદય પહેલા પીપળાના વૃક્ષની પૂજા કરો.
• પીપળાના ઝાડની સાથે શનિદેવની પણ પૂજા કરો.
• આ પછી પીપળાના ઝાડ નીચે સરસવના તેલનો દીવો પ્રગટાવો.
• હવે પીપળાના ઝાડના કેટલાક પાન તોડીને ગંગાજળથી ધોઈ લો.
• ત્યારબાદ પાણીમાં થોડી હળદર નાખીને મિક્સ કરી પીપળાના પાન પર જમણા હાથની રીંગ આંગળી વડે 'હ્રી' લખો.
• આ પછી આ પીપળાના પાનને પૂજા સ્થાન પર રાખો અને તેની પૂજા કરો.
• પૂજા પછી પાન તમારા પર્સમાં અથવા તિજોરીમાં રાખો. આ ઉપાય કરવાથી ધનની પ્રાપ્તિ થાય છે.

બિઝનેસ વધારવા માટે આ ઉપાયો કરો
જો તમારા વ્યવસાયમાં મંદી ચાલી રહી છે અને તમારા કામની ગતિ ધીમી પડી ગઈ છે, તો શનિવારે પીપળાના પાનને લઈને તેને સ્વચ્છ પાણીથી ધોઈ લો, તે પાન પર ચંદનથી સ્વસ્તિક બનાવી લો અને તમારા વેપારની વૃદ્ધિ માટે ધ્યાન કરો. પછી આ પાનને તમારી તિજોરીમાં અથવા જ્યાં પણ તમે તમારા પૈસા રાખો ત્યાં રાખો. આ ઉપાય સતત 7 શનિવારે કરો. આગળના શનિવારે, તિજોરીમાંથી જૂનું પાન કાઢો, તેના સ્થાને નવું પાન લો અને જૂના પાનને નદીમાં તરતા મૂકો.

Disclaimer: અહીં આપેલી માહિતી માત્ર ધારણાઓ અને માન્યતા પર આધારિત છે. અત્રે એ ઉલ્લેખ કરવો જરૂરી છે કે abp અસ્મિતા કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં, સંબંધિત નિષ્ણાતની સલાહ લો.

આ પણ વાંચો...