Holi Skin Care Tips: રંગોની હોળીને આ રીતે રમશો તો નહિ થાય સ્કિન ખરાબ, આ સરળ ટિપ્સ કરો ફોલો

Holi Skin Care Tips: હોળીનો તહેવાર આનંદ અને રંગોનું પ્રતીક છે, પરંતુ કેમિકલયુક્ત રંગો ત્વચાને નુકસાન પહોંચાડે છે. તો રંગોની હોળી સ્કિનને ડેમેજ કર્યાં વિના કેવી રીતે રમવી તે જાણીએ

પ્રતીકાત્મક તસવીર

Source : google

Holi Skin Care Tips:હોળીનો તહેવાર આનંદ, રંગો અને ઉત્સાહનું પ્રતિક છે. આ દિવસ આનંદ અને ઉલ્લાસથી ભરેલો હોય છે, પરંતુ આ દિવસોમાં બજારમાં મળતા કેમિકલ કલર્સ ત્વચાને નુકસાન પહોંચાડે છે. આવી સ્થિતિમાં, ત્વચાને સુરક્ષિત રાખવી ખૂબ જ મહત્વપૂર્ણ છે, જેના માટે કેટલીક મહત્વપૂર્ણ સાવચેતી રાખવી જોઈએ. સંવેદનશીલ ત્વચા ધરાવતા લોકોએ ખાસ કરીને આ બાબતોનું ખાસ ધ્યાન રાખવું જોઈએ.

1. ત્વચા moisturize કરો

રંગોની આડઅસરોથી બચવા માટે, હોળી રમતા પહેલા તમારી ત્વચાને સારી રીતે મોઇશ્ચરાઇઝ કરો. તે ત્વચા પર એક રક્ષણાત્મક સ્તર બનાવે છે, જેના કારણે રંગો ઊંડે સુધી પ્રવેશતા નથી. આખા શરીર પર સારી ગુણવત્તાનું મોઇશ્ચરાઇઝર લગાવો, તેનાથી ત્વચા સુકાશે નહીં અને રંગો પણ સરળતાથી ઉતરી જશે.

2. મેકઅપ ટાળો

હોળી રમતી વખતે મેકઅપ લગાવવાથી ત્વચાના છિદ્રો બંધ થઈ જાય છે, જેનાથી ફોલ્લીઓ, બળતરા અને એલર્જીનું જોખમ વધે છે. આ સિવાય મેકઅપના કારણે ત્વચા પરથી રંગો દૂર કરવામાં પણ મુશ્કેલી પડી શકે છે. તેથી હોળીના દિવસે મેકઅપ ટાળો.

સનસ્ક્રીન લગાવવાની ખાતરી કરો

જો તમારી ત્વચા સંવેદનશીલ હોય, તો હોળી દરમિયાન સૂર્યપ્રકાશના લાંબા સમય સુધી સંપર્કમાં રહેવાથી ટેનિંગ અને પિગમેન્ટેશનની સમસ્યા થઈ શકે છે. આનાથી બચવા માટે યુવીએ અને યુવીબી પ્રોટેક્શન સાથે વોટર રેઝિસ્ટન્ટ સનસ્ક્રીન લગાવો

નારિયેળ અથવા બદામનું તેલ લગાવો

હોળી રમતા પહેલા નારિયેળ અથવા બદામનું તેલ લગાવવું પણ ફાયદાકારક છે, તેલ ત્વચા પર એક રક્ષણાત્મક સ્તર બનાવે છે, જેના કારણે કેમિકલ રંગો ત્વચામાં પ્રવેશતા નથી. આનાથી રંગ દૂર કરવામાં પણ સરળતા રહે છે.

ફેસ પેક લગાવો

જો હોળી રમ્યા પછી ત્વચા પર બળતરા, ફોલ્લીઓ અથવા ખીલથી બચવા માટે  મધ, દહી અને હળદરનો ફેસપેક લગાવો. આ ત્વચાને શાંત કરશે અને કોઈપણ આડઅસરોથી બચાવશે.

હોળી પછી ત્વચાની સંભાળ કેવી રીતે રાખવી?

હોળી રમ્યા બાદ તરત જ ત્વચાને સાબુથી ઘસવાને બદલે હૂંફાળા પાણીથી ચહેરો ધોવો જોઈએ. આ પછી, એક સારું મોઇશ્ચરાઇઝર લગાવો, જે ત્વચાને નરમ રાખશે અને તેને કોઈપણ પ્રકારની એલર્જીથી બચાવશે.

હોળીનો તહેવાર આનંદ અને ઉલ્લાસથી ભરેલો હોય છે, પરંતુ ત્વચાની સુરક્ષાનું ધ્યાન રાખવું પણ જરૂરી છે. તેથી, આ સરળ ટિપ્સ અપનાવીને, તમે તમારી ત્વચાને નુકસાન પહોંચાડ્યા વિના હોળીનો સંપૂર્ણ આનંદ લઈ શકો છો. શક્ય હોય ત્યાં સુધી હર્બલ કલરનો યુઝ કરો, નેચરલ રંગો નુકસાન નહિ કરે. કેસૂડો પણ સ્કિન માટે ઉત્તમ છે કેસૂડાથી સુરક્ષિત હોળી રમો