Navratri 2024: નૈનીતાલના પહાડ પર આવેલ આ માતાનું મંદિર છે ચમત્કારિક, ત્યાં પહોંચવા માત્રથી આ બીમારી થાય છે દૂર
નૈનીતાલમાં પાષાણ સ્થિત છે,તેના વિશે માન્યતા છે કે, અહીંયા પહોંચવા માત્રથી સ્કિન અને વાણી સંબંધિત સમસ્યા થાય છે દૂર
Navratri 2024:દેશમાં ભાગ્યે જ કોઈ એવી જગ્યા હશે જ્યાં તમને દિવ્ય મંદિરોનો ઉલ્લેખ ન મળ્યો હોય. આ મંદિરો માત્ર રહસ્યમય જ નથી પરંતુ તેમની સાથે જોડાયેલી માન્યતાઓ અને કથાઓ પણ લોકોનું ધ્યાન આકર્ષિત કરે છે. આવું જ એક મંદિર નૈનીતાલની પહાડીઓ પર આવેલું છે, જે આ સ્થળને તેના અદ્ભુત ચમત્કાર માટે વધુ લોકપ્રિય બનાવે છે.
અમે અહીં દેવી મંદિર વિશે વાત કરી રહ્યા છીએ, જેના વિશે એવું માનવામાં આવે છે કે, જો કોઇ ત્વતાના રોગથી પીડિત હોય તો અહીં આવ્યા બાદ રાહત મળે છે. આટલું જ નહીં, જો કોઈને બાળક તોતળું હોય હકલાતું હોય તો પણ આ સમસ્યા માના સ્થાને આવ્યાં બાદ દૂર થાય છે.
શું તમે જાણો છો કે ઉત્તરાખંડને દેવભૂમિ કહેવામાં આવે છે અને અહીં સ્થિત નૈનીતાલ હિલ સ્ટેશન આ સ્થળની સુંદરતામાં વધુ વધારો કરે છે. પહાડો પર હાજર દેવી માતાનું ચમત્કારિક મંદિર પાષાણ દેવીના નામથી પ્રખ્યાત છે. એવું માનવામાં આવે છે કે, આ મંદિરનું પાણી ખૂબ જ પવિત્ર છે, આ પાણી શરીર પર પડતા જ કોઈપણ પ્રકારની ત્વચા રોગ દૂર થઈ જાય છે.
નૈની તળાવના કિનારે ટેકરી પર સ્થિત આ મંદિરમાં માતા ભગવતી બિરાજમાન છે. મંદિરમાં દેવી માતાની પ્રાકૃતિક મૂર્તિ સ્થાપિત છે અને એવું માનવામાં આવે છે કે દેવી માતા અહીં વાસ્તવિક સ્વરૂપમાં નિવાસ કરે છે. મંદિરની બીજી વિશેષતા એ છે કે અહીં તમે દેવી ભગવતીના તમામ નવ સ્વરૂપોના દર્શન કરી શકો છો.
આ બીમારીથી મળે છૂટકારો
કુદરતી રીતે જે બનેલી નવ પીંડિયો પર પર પહેલા જળનો છંટકાવ કરવામાં આવે છે અને પછી લોકોને આ જળ આપવામાં આવે છે. આ પાણીનું મહત્વ એટલું છે કે આ પાણીને એકત્ર કરવા માટે દૂર-દૂરથી શ્રદ્ધાળુઓ અહીં આવે છે. અહીં આવતા ભક્તોનું માનવું છે કે અહીં મળતું પાણી ત્વચાના દરેક રોગને મટાડે છે, વાણીની સમસ્યાને પણ દૂર કરે છે.
સડક માર્ગે: નૈનીતાલ ઉત્તરાખંડના તમામ મોટા શહેરો સાથે સારી રીતે જોડાયેલ છે, તમે સરળતાથી નૈનીતાલ માટે બસ અથવા ટેક્સી લઈ શકો છો, મંદિર નૈનીતાલ બસ સ્ટેન્ડ (તલ્લીતાલ) થી લગભગ 1 કિમી દૂર છે, તમે અહીંથી પગપાળા પણ જઈ શકો છો રિક્ષા પણ લઈ શકે છે.
ટ્રેન દ્વારા: નજીકનું રેલ્વે સ્ટેશન કાઠગોદામ રેલ્વે સ્ટેશન છે જે નૈનીતાલથી લગભગ 32 કિમી દૂર છે, તમે નૈનીતાલ માટે ટેક્સી અથવા બસ લઈ શકો છો જે સરળતાથી ઉપલબ્ધ છે.
હવાઈ માર્ગે: નજીકનું એરપોર્ટ પંતનગર એરપોર્ટ છે જે લગભગ 69 કિમી દૂર છે, ત્યાંથી તમે સરળતાથી નૈનીતાલ માટે ટેક્સી બુક કરી શકો છો.
ટોપ સ્ટોરી
ટ્રેન્ડિંગ સમાચાર
