Honda Activa પર 5000 રૂપિયા સુધી કેશબેક ઉપરાંત મળી રહી છે આ ઓફર, જાણો વિગત
Honda Activa: આ ઑફર માટે ગ્રાહકે 30,000 રૂપિયાનું ન્યૂનતમ ટ્રાન્ઝેક્શન કરવું પડશે.
Honda Activa: હોન્ડાએ તેના લોકપ્રિય એક્ટિવા 125 સ્કૂટર પર ખાસ કેશબેક ઓફર શરૂ કરી છે. નવી ઓફર હેઠળ ગ્રાહકો આ સ્કૂટર પર 5,000 રૂપિયા સુધીનું કેશબેક મેળવી શકે છે. આ ઑફર માત્ર પસંદગીના ડેબિટ અને ક્રેડિટ કાર્ડ દ્વારા EMI વ્યવહારો પર જ માન્ય રહેશે. આ ઑફર માટે ગ્રાહકે 30,000 રૂપિયાનું ન્યૂનતમ ટ્રાન્ઝેક્શન કરવું પડશે. આ ઓફર હેઠળ પાંચ ટકા (વધુમાં વધુ 5,000 સુધી)નું કેશબેક આપવામાં આવશે.
Honda Motorcycle and Scooter India (HMSI) પણ Activa 125 સ્કૂટરને રૂ. 3,999ના ન્યૂનતમ ડાઉન પેમેન્ટ અને રૂ. 5 લાખના વીમા સાથે ઓફર કરે છે. કંપનીએ આ ઑફર માત્ર મર્યાદિત સમય માટે રજૂ કરી છે અને તે 31 માર્ચ, 2022ના રોજ સમાપ્ત થશે. ડીલરશીપ અને સ્થાનના આધારે ઓફર બદલાઈ શકે છે, તેથી તમે જ્યાંથી સ્કૂટર ખરીદવાનું વિચારી રહ્યા છો, સૌ પ્રથમ તે ડીલરશીપ પર ચાલતી ઑફર્સ વિશે સંપૂર્ણ માહિતી લો.
એક્ટિવા 125 સિવાય આ ઑફર એક્ટિવા 6જી સ્કૂટર પર પણ મેળવી શકાય છે. હોન્ડાનું એક્ટિવા દેશમાં સૌથી વધુ વેચાતા ટુ વ્હીલર્સમાંનું એક છે. ગયા મહિને HMSI એક્ટિવાના રેકોર્ડ 1,43,234 યુનિટ વેચવામાં સફળ રહી હતી.
Honda Activa 125 એક એવું સ્કૂટર છે જેની ભારતમાં કિંમત રૂ. 75,375 થી રૂ. 84,711 એક્સ-શોરૂમ વચ્ચે છે. તે 5 વેરિઅન્ટ અને 6 કલરમાં ઉપલબ્ધ છે. આ સ્કૂટર 124cc, સિંગલ-સિલિન્ડર, એર-કૂલ્ડ એન્જિન સાથે આવે છે જે 6,500rpm પર 8.18bhpનો મહત્તમ પાવર અને 5,000rpm પર 10.3Nm પીક ટોર્ક જનરેટ કરે છે. તે BS-VI એન્જિન સાથે આવે છે અને વપરાશકર્તાઓએ 47 kmpl સુધીની માઈલેજ આપી છે. તે આગળ અને પાછળ બંને ડિસ્ક બ્રેક સાથે આવે છે. તે ભારતીય બજારમાં Suzuki Access 125 અને TVS Jupiter 125 સાથે સ્પર્ધા કરે છે.
ટ્રેન્ડિંગ સમાચાર
ટોપ સ્ટોરી
