Best Mileage Cars: શાનદાર માઈલેજ આપતી કાર ખરીદવી છે ? તો આ ત્રણ ઓપ્શન પર વિચાર કરો, કિંમત પણ 5 લાખથી ઓછી

દરેક વ્યક્તિ ઈચ્છે છે કે તેની પોતાની એક કાર હોય. પરંતુ ઘણા લોકો પાસે કાર ખરીદવા માટે પૂરતું બજેટ નથી હોતું. આ સ્થિતિમાં ઘણા લોકોને EMI સાથે બેંકમાંથી ફાઇનાન્સ મળે છે.

( Image Source : Maruti Suzuki )

Budget Mileage Cars In India: દરેક વ્યક્તિ ઈચ્છે છે કે તેની પોતાની એક કાર હોય. પરંતુ ઘણા લોકો પાસે કાર ખરીદવા માટે પૂરતું બજેટ નથી હોતું. આ સ્થિતિમાં ઘણા લોકોને EMI સાથે બેંકમાંથી ફાઇનાન્સ મળે છે. જો તમે પણ કાર ખરીદવાનું વિચારી રહ્યા છો અને બજેટ પણ વધારે નથી તો અમે તમને માર્કેટમાં ઉપલબ્ધ એવી કેટલીક કાર વિશે જણાવવા જઈ રહ્યા છીએ જેની કિંમત 5 લાખ રૂપિયાથી ઓછી છે. આ સાથે જ તમને જબરદસ્ત માઈલેજ પણ મળે છે. ચાલો આ કારોની યાદી જોઈએ.

મારુતિ સુઝુકી અલ્ટો K10

આ યાદીમાં પ્રથમ કાર મારુતિ સુઝુકીની અલ્ટો K10 છે. કંપનીએ તેને ગયા વર્ષે લોન્ચ કરી હતી. આ નવી અલ્ટોની કિંમત રૂ. 3.99 લાખ એક્સ-શોરૂમથી શરૂ થાય છે. આ કારમાં તેના સેગમેન્ટમાં પાવરફુલ એન્જિન જોવા મળે છે. તેના માઈલેજની વાત કરીએ તો પેટ્રોલ એન્જિનવાળી આ કાર 24.9 કિલોમીટર પ્રતિ લીટર સુધીની માઈલેજ આપવામાં સક્ષમ છે. જો કે તેના CNG વેરિઅન્ટમાં તમને વધુ માઈલેજ મળશે.  પરંતુ CNG વર્ઝન પેટ્રોલ વેરિઅન્ટની સરખામણીમાં થોડું મોંઘું છે.

મારુતિ સુઝુકી એસ-પ્રેસો
 
આ લિસ્ટમાં બીજી કાર મારુતિ સુઝુકી S-Presso છે. તેની પ્રારંભિક એક્સ-શોરૂમ કિંમત રૂ. 4.26 લાખ છે. કંપનીએ તેને ગયા વર્ષે જ અપડેટ કર્યું હતું. S-Presso 5 સીટર લેઆઉટમાં આવે છે. આ કારમાં તમને ઘણા બધા ફીચર્સ પણ મળે છે. બીજી તરફ માઈલેજની વાત કરીએ તો પેટ્રોલ પર તમને 25.3 કિલોમીટર પ્રતિ લીટર સુધીની માઈલેજ મળે છે. જ્યારે તેનું CNG વેરિઅન્ટ વધુ માઈલેજ આપે છે. 

રેનોલ્ટ ક્વિડ

આ યાદીમાં ત્રીજી અને છેલ્લી કાર રેનોલ્ટ ક્વિડ છે. ઓછા બજેટની કારમાં પણ આ કાર વધુ સારો વિકલ્પ છે. Kwidની કિંમતની વાત કરીએ તો તેની એક્સ-શોરૂમ કિંમત 4 લાખ 70 હજાર રૂપિયા છે. આ કારમાં તમને ઘણી બધી સુવિધાઓ સાથે સારી માઈલેજ મળે છે. ક્વિડનું માઇલેજ 22 કિલોમીટર પ્રતિ લીટર સુધી છે.