કાર હોય કે બાઈક, ક્યારેય ન કરાવો ફૂલ ટાંકી, જાણો શું છે મોટું કારણ 

મોટરસાયકલ કે કોઈપણ વાહનમાં પેટ્રોલ અને ડીઝલ ભરતી વખતે એ વાતનું ધ્યાન રાખવું જોઈએ કે વાહનની ઈંધણની ટાંકી તેની ક્ષમતા કરતા વધુ ન ભરવી જોઈએ.

પ્રતિકાત્મક તસવીર

Source : તસવીર- ABP LIVE

Motorcycle And Car Petrol Tank: મોટરસાયકલ કે કોઈપણ વાહનમાં પેટ્રોલ અને ડીઝલ ભરતી વખતે એ વાતનું ધ્યાન રાખવું જોઈએ કે વાહનની ઈંધણની ટાંકી તેની ક્ષમતા કરતા વધુ ન ભરવી જોઈએ. જો વાહનની ટાંકીની ક્ષમતા કરતા વધુ ઇંધણ નાખવામાં આવે તો મોટી દુર્ઘટના થવાની સંભાવના વધી જાય છે. આવું કેમ થાય છે તેની પાછળ ઘણા કારણો છે. ચાલો જાણીએ આ કારણો વિશે.

મોટર કંપનીઓની ફ્યૂલ ટેન્ક કેપેસિટી

ઓટોમેકર્સ કોઈપણ વાહનની ઈંધણ ટાંકીની ક્ષમતામાં 10 થી 15 ટકા ઓછી બતાવે  છે, જેથી લોકો ઓટોમેકર્સ દ્વારા દર્શાવેલ ક્ષમતા મુજબ વાહનની ટાંકી ફૂલ કરાવે. ધારો કે તમે તમારી મોટરસાઇકલમાં પેટ્રોલ ભરવા ગયા છો અને તમને પેટ્રોલ પંપ પર ટાંકી ફૂલ કરવાનું કહ્યું. જ્યારે પેટ્રોલ પંપ માલિક મોટરસાઇકલની ટાંકીને સંપૂર્ણ રીતે ભરી દે છે, ત્યારે તમને ખબર પડે છે કે ફ્યુઅલ ટાંકીની ક્ષમતા 10 લિટર હતી અને કારમાં લગભગ 11 લિટર પેટ્રોલ આવ્યું હતું. તો તમે વિચારો કે ક્ષમતા કરતા વધારે પેટ્રોલ કેવી રીતે ભરી શકાય. તેની પાછળનું કારણ એ છે કે ઓટોમેકર્સ જાણીજોઈને ફ્યુઅલ ટાંકીની ક્ષમતા ઓછી જાહેર કરે છે, જેથી લોકો તે મર્યાદા કરતાં વધુ ટાંકી ન ભરે.

જાણો વાહનની  ટાંકી કેમ ફૂલ ન કરાવવી જોઈએ  ?

પેટ્રોલ પંપની ભૂગર્ભ ટાંકીની અંદર સંગ્રહિત પેટ્રોલ અને ડીઝલનું તાપમાન અલગ-અલગ હોય છે. જ્યારે બહારના વાતાવરણની વાત કરીએ તો તાપમાન અલગ હોય છે. ટેન્કરમાંથી પેટ્રોલ અથવા ડીઝલ બહાર આવ્યા પછી, જ્યારે તે બહારની હવાના સંપર્કમાં આવે છે ત્યારે તેનું પ્રમાણ વધી જાય છે, જેના કારણે ઇંધણ લીકેજનું જોખમ પણ વધી જાય છે. તેથી મોટરસાયકલ કે કારમાં તેની ક્ષમતા કરતા ઓછું પેટ્રોલ કે ડીઝલ ભરવામાં આવે છે.

પેટ્રોલ અથવા ડીઝલમાંથી જે વરાળ નીકળે છે તેને પણ ઈંધણની ટાંકીની અંદર વેક્યુમની જરૂર પડે છે. ટાંકી ફુલ ભર્યા પછી પેટ્રોલને તે વેક્યૂમ મળતું નથી, જેના કારણે એન્જિનનું પરફોર્મન્સ ઓછું થાય છે અને પ્રદૂષણ પણ વધે છે.

જો મોટરસાયકલની ટાંકી ફૂલ કરવામાં આવી હોય  અને તેને પાર્ક કરતી વખતે જો તમે તેને સાઈડમાં નમાવીને બાજુના સ્ટેન્ડ પર પાર્ક કરો તો લીકેજ થવાની સંભાવના વધી જાય છે, જેના કારણે અકસ્માતનો ભય રહે છે.